ສະພາແຫ່ງຊາດລາວໄດ້ຮັບຄໍາຮ້ອງຂໍການຊ່ວຍເຫຼືອຈາກປະຊາ ຊົນລາວ ຫຼາຍກວ່າ 2,500 ກໍລະນີ ໂດຍສ່ວນໃຫຍ່ ເປັນບັນຫາ ຂັດແຍ້ງ ກ່ຽວກັບສິດທິ ໃນການຖືຄອງທີ່ດິນທໍາກິນ ແລະທີ່ຢູ່ອາ ໄສ.
ຫ້ອງການສະພາແຫ່ງຊາດລາວ ລາຍງານວ່າການເຄື່ອນໄຫວຂອງສະມາຊິກສະພາ ແຫ່ງຊາດລາວຊຸດທີ 7 ໃນລະຍະ 2 ປີເຄິ່ງທີ່ຜ່ານມານີ້ ສາມາດລົງໄປເຄື່ອນໄຫວໄດ້ຫຼາຍກວ່າ 2,400
ຈຸດໃນທົ່ວປະເທດ ໂດຍມີປະຊາຊົນລາວເຂົ້າຮ່ວມໃນກິດຈະກໍາຕ່າງໆ ຫຼາຍກວ່າ 5 ແສນຄົນ ໃນຂະນະດຽວກັນ ບັນດາສະມາຊິກສະພາແຫ່ງຊາດທີ່ລົງໄປເຄື່ອນໄຫວໃນເຂດຕ່າງໆນັ້ນ
ກໍໄດ້ຮັບຄໍາຮ້ອງຂອງປະຊາຊົນລາວເພື່ອຂໍຄວາມຊ່ວຍເຫຼືອຈາກສະພາ ແຫ່ງຊາດ ເຖິງ 2,549 ກໍລະນີ ດ້ວຍກັນ.
ໂດຍຄໍາຮ້ອງຂໍຄວາມຊ່ວຍເຫຼືອສ່ວນໃຫຍ່ນັ້ນ ກໍເປັນບັນຫາຂັດ ແຍ້ງທີ່ກ່ຽວກັບສິດທິໃນການຖືຄອງທີ່ດິນທໍາກິນ ແລະທີ່ຢູ່ອາໄສ ຊຶ່ງກໍມີທັງຄວາມຂັດແຍ້ງລະຫວ່າງປະຊາຊົນກັບປະຊາຊົນແລະ ຄວາມຂັດແຍ້ງລະຫວ່າງປະຊາຊົນ ກັບບໍລິສັດເອກກະຊົນລາວ ແລະບໍລິສັດຕ່າງຊາດ ຕະຫຼອດຈົນຄວາມຂັດແຍ້ງລະຫວ່າງ ປະ ຊາຊົນກັບພາກລັດຖະບານລາວ ໂດຍສະເພາະແມ່ນ ໃນສອງກໍ ລະນີຫຼັງນີ້ ຖືເປັນບັນຫາ ທີ່ເກີດຂຶ້ນຢ່າງກວ້າງຂວາງທີ່ສຸດ.
ທັງນີ້ກໍເນື່ອງຈາກວ່າທາງການລາວທັງໃນຂັ້ນສູນກາງ ແລະທ້ອງຖິ່ນ ໄດ້ມີການໃຫ້ສໍາປະທານສິດທິໃນການເຊົ່າທີ່ດິນລະຍະຍາວແກ່ບັນດາ ບໍລິສັດເອກກະຊົນລາວແລະຕ່າງຊາດ
ຢ່າງກວ້າງຂວາງນັ້ນ ໄດ້ໄປກວມເອົາທີ່ດິນທໍາກິນ ແລະທີ່ຢູ່ອາໄສຂອງປະຊາຊົນລາວດ້ວຍ ແລະເມື່ອປະກອບກັບການ ທີ່ປະຊາຊົນລາວສ່ວນໃຫຍ່ ກໍຍັງຄົງບໍ່ມີໃບຕາ ດິນ
ເພື່ອຢັ້ງຢືນສິດທິໃນທີ່ດິນຂອງພວກຕົນດ້ວຍແລ້ວ ກໍໄດ້ເປັນຊ່ອງວ່າງໃຫ້ເກີດການຍາດແຍ່ງເອົາທີ່ດິນຂອງປະຊາຊົນໄປ ສົ່ງມອບໃຫ້ບໍລິສັດເອກກະຊົນລາວ
ແລະຕ່າງຊາດຢ່າງເປັນຂະບວນການ ທັງນີ້ໂດຍມີບັນດາພະນັກງານຂອງລັດຖະບານລາວ ຈໍາ ນວນບໍ່ໜ້ອຍ ທີ່ດໍາເນີນການດັ່ງກ່າວ
ເພື່ອແລກກັບຜົນປະໂຫຍດທີ່ໄດ້ຮັບຈາກບໍລິສັດເອກກະຊົນລາວ ແລະຕ່າງຊາດນັ້ນເອງ.
ທັງນີ້ ໂດຍບັນດາພະນັກງານລັດດັ່ງກ່າວ ຈະໃຊ້ກົດໝາຍໄປຂົ່ມຂູ່ໃຫ້ປະຊາຊົນຢ້ານກົວວ່າຈະມີຄວາມຜິດໃນຂໍ້ ຫາບຸກລຸກທີ່ດິນຂອງສ່ວນລວມ ແລະເມື່ອປະຊາຊົນໄດ້ພາ ກັນຍົກຍ້າຍ
ອອກໄປແລ້ວນັ້ນ ບັນດາພະນັກງານລັດເຫຼົ່ານັ້ນ ກໍຈະຈັດການສົ່ງມອບທີ່ດິນດັ່ງກ່າວ ໃຫ້ແກ່ນາຍທຶນໃນທັນທີ ຫາກແຕ່ສໍາລັບປະຊາຊົນລາວທີ່ຮູ້ເທົ່າທັນການກະທໍາຂອງພະນັກງານລັດ ນັ້ນ
ກໍໄດ້ມີການຟ້ອງຮ້ອງສານເປັນຄະດີຄວາມທີ່ຂັດແຍ້ງ ກັນຢ່າງກວ້າງຂວາງ ທັງຍັງປາກົດດ້ວຍວ່າ ໄດ້ມີການບຸກລຸກເຂົ້າໄປໃນເຂດປ່າສະ ຫງວນຕ່າງໆ ໃນທົ່ວປະເທດ ດັ່ງທີ່ເຈົ້າໜ້າທີ່ຂັ້ນສູງໃນກະຊວງກະສິກໍາ-ປ່າໄມ້ ໄດ້ໃຫ້ການຢືນຢັນວ່າ: “ເລຶ່ອງບັນຫາທີ່ດິນນີ້ ກະຍັງເປັນບັນຫາທີ່ວ່າມີຄວາມສົນໃຈ ແລະເປັນຫ່ວງເປັນໃຍຂອງສັງຄົມ ເວົ້າເຖິງ ທີ່ດິນມັນຕ້ອງເວົ້າເຖິງການພົວພັນເຖິງປ່າ ແລະກະພົວພັນເຖິງບ່ອນວ່າການຈັບຈອງ
ນັບແຕ່ພວກເຮົາໄດ້ມີການຈັດສັນແບ່ງດິນແບ່ງປ່າໃຫ້ພໍ່ແມ່ປະຊາຊົນ ໄດ້ຄຸ້ມຄອງນໍາໃຊ້ນັ້ນ ແລະພ້ອມດຽວກັນນັ້ນ ບັນຫາດັ່ງກ່າວກໍຍັງເປັນຊ່ອງວ່າງເກີດມີການຊື້ສິດນໍາໃຊ້ທີ່ດິນ ຈາກປະຊາຊົນ ກະລາມໄປຮອດບ່ອນປ່າສະຫງວນ.” ພ້ອມກັນນີ້ ເຈົ້າໜ້າທີ່ຂັ້ນສູງໃນກະຊວງກະສິກໍາ-ປ່າໄມ້ ກໍເປີດເຜີຍວ່າການອອກໃບຕາ ດິນ ໃຫ້ປະຊາຊົນລາວທີ່ໄດ້ເລີ່ມລົງມືດໍາເນີນການນັບຕັ້ງແຕ່ປີ 1997 ເປັນຕົ້ນມາຈົນເຖິງປັດຈຸບັນນີ້ ນັບເປັນເວລາເຖິງ
16 ປີແລ້ວ ຫາກແຕ່ຄະນະຮັບຜິດຊອບກໍສາມາດອອກໃບຕາດິນ ໃຫ້ກັບປະຊາຊົນໄດ້ພຽງ 705,000 ແປງ ຄິດເປັນ 30% ຂອງຈໍານວນແປງທີ່ດິນທັງໝົດ ໃນທົ່ວປະເທດເທົ່ານັ້ນ. ດ້ວຍເຫດນີ້ ຈຶ່ງຖືເປັນການດໍາເນີນງານທີ່ຊັກຊ້າຢ່າງຍິ່ງ ເມື່ອທຽບກັບແຜນການທີ່ລັດ ຖະບານ ໄດ້ວາງເປົ້າໝາຍທີ່ຈະອອກໃບຕາດິນໃຫ້ກັບປະຊາຊົນລາວໃຫ້ໄດ້ບໍ່ໜ້ອຍ ກວ່າ 1 ລ້ານຄອບຄົວໃນທົ່ວປະເທດພາຍໃນປີ
2015 ອັນຈະສົ່ງຜົນກະທົບຕໍ່ເນື່ອງເຖິງເປົ້າໝາຍ ຂອງລັດຖະບານລາວ ທີ່ຈະອອກໃບຕາດິນໃຫ້ແກ່ປະຊາຊົນລາວໃຫ້ໄດ້ຢ່າງຄົບຖ້ວນພາຍໃນປີ 2020 ອີກດ້ວຍ.
ຫາກບັນຫານີ້ບໍ່ຖືກແກ້ໃຂ ປະຊາຊົນ ເຂົາຈະພາກັນໄປປິດສະພາ
"ປະຊາຊົນ ເຂົາບອກມາແບບນີ້" ເດີ້....!
ໄປຮ້ອງຮຽນຕໍ່ສະພາ ຢ່າໄປໃຫ້ເສຍເວລາທ້ອນ. ສະພາ ສປປລ ນັ້ນຈະມີຂີ້ໝາຫຍັງເດ ເພາະແຊວໆຮ້ອງ
ໂຕດຽວໝົດໝູ່ ອີ່ອ້ວນປານີ ເວົ້າອອກມາຄຳໃດ ພວກຜູ້ແທນປະຊາຊົນກໍພາກັນຍົກມືຂຶ້ນເຫັນດີນຳໝົດ
ທຸກຄົນທັງໆທີ່ຮູ້ວ່າບໍ່ຖືກໃຈປະຊາຊົນ. ຜູແທນໝົດສະພານັ້ນເຫັນມີແຕ່ ທ່ານ ດຣ. ຄຳເຜີຍ ປານມະໄລທອງ
ຄົນດຽວທີ່ເປັນຜູ້ແທນທີ່ເຕັມປ່ຽມແທນປະຊາຊົນແທ້ໆ ກາຍນັ້ນແມ່ນພາກັນໄປນັ່ງອ້າປາກຕາກແຂ້ວແດກ
ເງິນພາສີປະຊາຊົນຊື້່ໆ ບໍ່ມີໃຜກ້າເວົ້າກ້າວ່າແທນປະຊາຊົນ ເພາະຢ້ານຖືກຫາຍສາບສູນ.
Anonymous wrote:ໄປຮ້ອງຮຽນຕໍ່ສະພາ ຢ່າໄປໃຫ້ເສຍເວລາທ້ອນ. ສະພາ ສປປລ ນັ້ນຈະມີຂີ້ໝາຫຍັງເດ ເພາະແຊວໆຮ້ອງໂຕດຽວໝົດໝູ່ ອີ່ອ້ວນປານີ ເວົ້າອອກມາຄຳໃດ ພວກຜູ້ແທນປະຊາຊົນກໍພາກັນຍົກມືຂຶ້ນເຫັນດີນຳໝົດທຸກຄົນທັງໆທີ່ຮູ້ວ່າບໍ່ຖືກໃຈປະຊາຊົນ. ຜູແທນໝົດສະພານັ້ນເຫັນມີແຕ່ ທ່ານ ດຣ. ຄຳເຜີຍ ປານມະໄລທອງຄົນດຽວທີ່ເປັນຜູ້ແທນທີ່ເຕັມປ່ຽມແທນປະຊາຊົນແທ້ໆ ກາຍນັ້ນແມ່ນພາກັນໄປນັ່ງອ້າປາກຕາກແຂ້ວແດກເງິນພາສີປະຊາຊົນຊື້່ໆ ບໍ່ມີໃຜກ້າເວົ້າກ້າວ່າແທນປະຊາຊົນ ເພາະຢ້ານຖືກຫາຍສາບສູນ.
ນອກຈາກ ທ່ານ ດຣ ຄຳເຜີຍ ປານມະໄລທອງ.ເຂົາເປັນຜູ້ແທ່ນ ພັກ ແລະປົກປ້ອງພັກ ເພື່ອກົດຫົວປະຊາຊົນ
ລາວບັນດາເຜົ່າ.ພີ່ນ້ອງຊາວລາວບັນດາເຜົ່າເທື່ອໜ້າຢ່າເສຍເວລາໄປປ່ອນບັດໃຫ້ຜູ້ແທນໝາພວກນີ້ເລີຍ,
ພວກທ່າເສຍເວລາທຳມາຫາກິນເປົ່າໆ.
