ໃນວັນທີ 13 ມີນານີ້, ຢູ່ກະ ຊວງການເງິນ, ໄດ້ມີພິທີມອບ-ຮັບໜ້າທີ່ເລຂາ ຄະນະພັກ-ລັດ ຖະມົນຕີວ່າການກະຊວງການ ເງິນລະຫວ່າງສະຫາຍ ພູເພັດ ຄຳພູນ ວົງ ກຳມະການສູນກາງພັກ, ເລຂາຄະນະພັກ, ລັດຖະມົນຕີວ່າການກະຊວງການເງິນຜູ້ເກົ່າ ແລະ ສະຫາຍ ດຣ ລຽນ ທິແກ້ວ ກຳມະການສູນກາງພັກ, ເລຂາຄະນະພັກ, ລັດຖະມົນຕີວ່າການກະຊວງການເງິນຜູ້ໃໝ່ ໂດຍການເປັນກຽດເຂົ້າຮ່ວມ ຂອງສະ ຫາຍ ສົມສະຫວາດ ເລັ່ງ ສະຫວັດ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ຊີ້ນຳວຽກງານ ເສດຖະກິດ, ມີຄະນະພັກ, ບັນດາລັດຖະມົນຕີຊ່ວຍວ່າການ, ບັນ ດາຫົວໜ້າກົມ-ຮອງ ກົມ ແລະ ພະນັກງານຫລັກແຫລ່ງຂອງຂະແໜງການເງິນເຂົ້າຮ່ວມເປັນສັກຂີພິຍານ.
ເມືອງສູນກາງພັກ ເລກທີ 01/ກມສພ ລົງວັນທີ 17 ກຸມພາ 2014 ວ່າດ້ວຍການຍົກຍ້າຍພະ ນັກງານການນຳຂັ້ນສູງໄປຮັບ ໜ້າທີ່ໃໝ່ ແລະ ລັດຖະດຳລັດຂອງປະທານປະເທດສາທາລະນະລັດ ປະຊາທິປະໄຕ ປະຊາຊົນລາວ ສະບັບເລກທີ 098/ປປທ ລົງວັນທີ 3 ມີນາ 2014 ວ່າດ້ວຍການຍົກຍ້າຍລັດຖະມົນຕີວ່າ ການກະຊວງການເງິນໄປຮັບໜ້າທ່ີໃໝ່ ໂດຍຍົກ ຍ້າຍສະຫາຍ ພູເພັດ ຄຳພູນວົງ ກຳມະການສູນກາງພັກ, ເລຂາຄະນະພັກ, ລັດ ຖະມົນຕີວ່າການກະຊວງການເງິນຜູ້ເກົ່າໄປຮັບ ໜ້າທີ່ໃໝ່ຢູ່ຫ້ອງວ່າການລັດຖະບານ ແລະ ລັດ ຖະດຳລັດຂອງປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ສະບັບເລກທີ 100/ປປທ ລົງວັນທີ 3 ມີນາ 2014 ວ່າດ້ວຍການແຕ່ງຕັ້ງລັດ ຖະມົນຕີວ່າການກະຊວງການເງິນຜູ້ໃໝ່ ໂດຍແຕ່ງຕັ້ງສະຫາຍ ດຣ. ລຽນ ທິແກ້ວ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆໄຊຍະບູລີ ເປັນລັດ ຖະມົນຕີວ່າການກະຊວງການເງິນຜູ້ໃໝ່. ພາຍຫລັງທີ່ສະຫາຍ ພູເພັດ ຄຳພູນວົງ ໄດ້ລາຍງານ ສະພາບວຽກງານ ຮອບດ້ານໃນ ໄລຍະ 2 ປີກວ່າ ທີ່ໄດຮ່ວມກັບຄະນະນຳ, ພະນັກງານການນຳຫລັກແຫລ່ງ ກໍຄືພະນັກງານທຸກຂັ້ນໃນທົ່ວກະຊວງເຮັດສຳເລັດ ໜ້າທີ່ໆ ຂັ້ນເທິງມອບໝາຍໃຫ້ ແລ້ວ ສະຫາຍ ສົມສະຫວາດ ເລັ່ງສະຫວັດກໍໄດ້ໃຫ້ກຽດໂອ້ລົມເພື່ອເປັນທິດນຳໃຫ້ແກ່ການຈັດ ຕັ້ງປະຕິບັດວຽກງານໃນໄລຍະໃໝ່ຊຶ່ງສະຫາຍໄດ້ສະແດງ ຄວາມຊົມເຊີຍຕໍ່ຜົນງານຂອງກະຊວງການເງິນທີ່ຍາດມາໄດ້ໃນໄລຍະຜ່ານ ມາພ້ອມທັງໄດ້ ແນະນຳໃຫ້ລັດຖະມົນຕີວ່າການກະຊວງການເງິນຜູ້ໃໝ່ໃຫ້ກຽມ ພ້ອມຊີ້ນຳໆພາພະນັກງານຫລັກແຫລ່ງ ກໍຄືພະນັກງານທຸກຂັ້ນໃນທົ່ວກະຊວງ ໂດຍສະເພາະໃນວຽກງານການເງິນໃຫ້ມີຄວາມຖືກຕ້ອງເໝາະສົມກັບສະພາບວຽກ ງານຕົວຈິງໃນປັດຈຸບັນ. ຈາກນັ້ນ ສະຫາຍ ດຣ. ລຽນ ທິແກ້ວ ກຳມະການສູນກາງພັກ, ເລຂາຄະນະພັກ, ລັດຖະມົນຕີວ່າການກະຊວງການເງິນຜູ້ໃໝ່ກໍ ໄດ້ກ່າວຮັບໜ້າທີ່ຊຶ່ງສະຫາຍຈະພະຍາຍາມສຸມທຸກສະຕິປັນຍາເຫື່ອແຮງ ແລະ ຄວາມສາມາດ ຂອງຕົນເຂົ້າໃນວຽກງານດ້ວຍຄວາມຮັບຜິດຊອບສູງເພື່ອສືບຕໍ່ສຳເລັດໜ້າທີ່ໆໄດ້ຮັບມອບໝາຍ ກໍຄືເຮັດໃຫ້ສະຖານະພາບ ຂອງກະຊວງການເງິນມີຄວາມເຂັ້ມແຂງ ແລະ ເຮັດສຳເລັດໜ້າຂອງຕົນຮັບຜິດຊອບເປັນຢ່າງດີ.
ຂໍສະແດງຄວາມຍິນດີນຳ, ຂໍໃຫ້ກິນນ້ອຍລົງກວ່າຣັຖມົນຕຣີຄົນເກົ່າເນີ !
