ນັກເຄື່ອນໄຫວ ແລະ ນັກຊ່ຽວຊານ ຕ່າງປະເທດ ກ່າວວ່າ ການຍຶດ ເນື້ອທີ່ ຂອງ ຊາວບ້ານ ຢູ່ບ້ານ ຫ້ວຍທາວ ເຮັດໃຫ້ ປະຊາຊົນ ຜູ້ທີ່ ທຸກຍາກ ຢູ່ແລ້ວ ແຮງທຸກຍາກ ກວ່າເກົ່າ ໃນນັ້ນ ສ່ວນໃຫຍ່ ເປັນ ຊົນເຜົ່າ ຖືກບີບ ໃຫ້ ໂຍກຍ້າຍ ຈາກບ່ອນ ຢູ່ອາສັຍ ບໍ່ມີບ່ອນ ທຳມາ ຫາກີນ ດັ່ງທີ່ເຄີຍ ມີມາ ໃນ ອະດີດ.
ທ່ານ ຊາມາລີ ກຸດຕາ ນັກວິເຄາະ ຜູ້ຊົງ ຄຸນນະວຸດທິ ຈາກ ອົງການ GLOBAL SOUTH ຊື່ງ ເປັນອົງກອນ ທີ່ ບໍ່ສັງກັດ ຣັຖບານ ທີ່ ຣົນນະຣົງ ຄວາມ ຍຸທຕິທັມ ຕໍ່ສັງຄົມໃນລາວ ທີ່ ມີສູນກາງ ຢູ່ ບາງກອກ ປະເທດ ໄທ ໄດ້ກ່າວ ຕໍ່ແຫລ່ງຂ່າວ IRIN ວ່າ, ເມື່ອ ເນື້ອທີ່ດີນ ຂອງ ປະຊາຊົນ ຖືກໃຫ້ ສຳປະທານ ແກ່ ນັກລົງທຶນ ຕ່າງຊາດ ໃຊ້ ເພື່ອ ການປູກ ຕົ້ນໄມ້ ອຸດສາຫະກັມ ຫລື ໃຊ້ໃນ ວີທີໃດ ກໍຕາມ ມັນຈະ ທຳລ້າຍ ຮາກເຫງົ້າ ຊິວີດ ການເປັນຢູ່ ຂອງ ປະຊາຊົນ ທ້ອງຖິ່ນ ໃນນັ້ນ ຈະຮ່ວມທັງ ແຫລ່ງ ສະສົມ ອາຫານ ຢາ ຮັກສາໂຣຄ ແລະ ຣາຍໄດ້ ເພື່ອລ້ຽງ ຄອບຄົວ ຂອງພວກ ຂະເຈົ້າ.
ການສຳປະທານ ທີ່ດິນ ຂນາດໃຫຍ່ ໃນລາວ ທີ່ ນັກເຄື່ອນໄຫວ ເອີ້ນວ່າ ການຍຶດ ທີ່ດິນ ນັ້ນ ແມ່ນເກີດ ຈາກການ ເຈຣະຈາ ຣະຫວ່າງ ກຸ່ມ ນັກລົງທຶນ ຕ່າງຊາດ ແລະ ຣັຖບານ ລາວ ຫລື ບໍຣີສັດ ເອກຊົນ ຊື່ງ ປະຊາ ຊົນ ທ້ອງຖິ່ນ ບໍ່ຮູ້ ບໍ່ເຫັນນຳ ໃນການ ກະທຳ ດັ່ງກ່າວ ໄດ້ເພີ້ມ ຫລາຍຂຶ້ນ ໃນລາວ ໃນ ທົສວັດ ຜ່ານມາ ແລະ ໃນຫລາຍ ພື້ນທີ່ ກໍກວມ ເອົາດິນ ຊາວບ້ານ ແລະ ຊຸມຊົນ ຫລາຍຮ້ອຍ ຊຸມຊົນ ກໍຖືກ ບີບບັງ ໃຫ້ ໂຍກຍ້າຍ.
ເສົ້າໃຈເມື່ອອ່ານຂ່າວນີ້
