ລາວໂຮມລາວ ເພື່ອປະຊາທິປະໄຕ

ຂ່າວມໍລະນະກຳຂອງ

ທ່ານແສງອາລຸນ ພອນຈິດ

ຂ້າພະເຈົ້າຄອບຄົວນາງໝ້າຍ ໄພທູນ ພອນຈິດ, ທ່ານໜິດໜໍ່ແກ້ວ ພອນຈິດ, ທ່ານວົງພະຈັນ ພອນຈິດ, ທ່ານກົບ ພອນຈິດ, ທ່ານສົມພະໄທ, ທ່ານອຸ້ມ ພອນສະຫວັນ, ທ່ານບຸນລ້ວນ ວັນນາສີ, ທ່ານຄຳຈັນ ພິມມະສອນ, ທ່ານອຸ່ນເຮືອນ ໄຊຍະວົງ, ຄະນະບໍລິຫານງານພັກແຂວງຈຳປາສັກ, ຄະນະໂຄສະນາອົບຮົມແຂວງຈຳປາສັກ ພ້ອມດ້ວຍລູກຫຼານໝົດທຸກຄົນ ຂໍແຈ້ງຂ່າວຄວາມເສົ້າສະຫຼົດໃຈມາຍັງຍາດຕິພີ່ນ້ອງ ເພື່ອນມິດສະຫາຍ ທີ່ຢູ່ໃກ້ ແລະ ຢູ່ໄກ ຊາບທົ່ວເຖິງກັນວ່າ: ທ່ານແສງອາລຸນ ພອນຈິດ ອະດີດ ກຳມະການພັກ ແຂວງຈຳປາສັກ ເລຂາຄະນະບໍລິຫານງານຊາວໜຸ່ມແຂວງ, ອະດີດຫົວໜ້າພະແນກຖະແຫຼງຂ່າວ-ວັດທະນະທຳແຂວງຈຳປາສັກ ແລະ ຫົວໜ້າຄະນະໂຄສະນາອົບຮົມແຂວງຈຳປາສັກ ຜູ້ເປັນຜົວ, ເປັນພໍ່, ເປັນພໍ່ເຖົ້າຂອງຂ້າພະເຈົ້າ ໄດ້ເຖິງແກ່ມໍລະນະກຳໄປແລ້ວ ໃນມື້ວັນສຸກ ທີ 27/06/2014 ເວລາ 21:00 ໂມງ ດ້ວຍພະຍາດຂອງຜູ້ກ່ຽວເອງ ລວມອາຍຸໄດ້ 55 ປີ.
- ສົບຂອງເພິ່ນໄດ້ບໍາເພັນກຸສົນໄວ້ທ່ີເຮືອນຂອງຜູ້ກ່ຽວ ບ້ານພັດທະນາໂພນໄຊ ເມືອງປາກເຊ ແຂວງຈຳປາສັກ.
- ສ່ວນວັນຊາປະນະກິດສົບຈະໄດ້ຈັດຂຶ້ນໃນມື້ວັນຫັດ ທີ 03/07/2014 ເວລາ 13 :30 ໂມງ, ຈະໄດ້ເຄື່ອນຍ້າຍສົບອອກສູ່ປ່າຊ້າຫຼັກ 9 ທາງງສະຜ່າຍ.
ກຳນົດວັນຕັ້ງບຸນມີດັ່ງນີ້ :
- ໃນມື້ອອກໃໝ່ 9 ຄຳ່ ເດືອນ 8 ພ.ສ 2557 ກົງກັບວັນເສົາທີ 05/07/2014 ເປັນມື້ຕັ້ງ ແລະ ຕົກແຕ່ງເຄື່ອງກອງບຸນ ແລະ ເຄື່ອງໄຊຍະທານຕ່າງໆ ຕອນແລງ ເວລາ 16 :00 ໂມງ ສູດປະລິຕະມຸງຄຸນ ແລະ ຟັງທຳມະເທດສະໜາ.
- ໃນມື້ອອກໃໝ່ 10 ຄຳ່ ເດືອນ 8 ພ.ສ 2557 ກົງກັບວັນອາທິດ ທີ 06/07/2014 ຕອນເຊົ້າທຳພິທີຕັກບາດ ຖວາຍເຄ່ືອງໄຊຍະທານຕ່າງໆ ແດ່ພຣະສົງ 9 ອົງ ແລະ ເລີກແລ້ວໃນວັນນັ້ນ.
ດັ່ງນັ້ນ ຈິ່ງຂ່າວມາຍັງຍາດຕິພີ່ນ້ອງ ເພື່ອນມິດສະຫາຍ ທ່ີຢູ່ໃກ້ ແລະ ຢູ່ໄກ ຈົ່ງເສຍສະຫຼະເວລາອັນມີຄຸນຄ່າມາຮ່ວມທຳບຸນ ກິນທານນຳພວກຂ້າພະເຈົ້າດ້ວຍ.
( ຂ່າວມາດ້ວຍຄວາມນັບຖື ແລະ ຮັກແພງ )