ກັກ VIGO 2 ຄັນ ບັນທຸກໄມ້ຂະຍຸງເຖື່ອນ

ເຈົ້າໜ້າທີ່ຕໍາຫຼວດເສດຖະກິດກອງບັນຊາການ ປກສ ແຂວງ ສະຫວັນນະເຂດ ກັກລົດໂຕໂຢຕ້າວີໂກ້ແຊັມ ສີປອນທອງ 2 ຄັນໝາຍເລກທະບຽນ ກກ 9761 ແລະ
ກກ 1847 ກໍາແພງນະຄອນ (ປ້າຍສີຟ້າ) ທີ່ບັນທຸກໄມ້ຂະຍຸງຈໍານວນ 84 ໂຕ, ໜັກ 1341 ກິໂລກຼາມ ຢູ່ເສັ້ນທາງ 13 ໃຕ້ຢູ່ດ່ານ ບ້ານນາຊາຍ ເມືອງໄຊບູລີ ແຂວງສະ
ຫວັນນະເຂດ ພ້ອມກັກຕົວຜູ້ຂັບຂີ່ລົດດັ່ງກ່າວຄື: ທ້າວ ສາຍພອນ ອາຍຸ 35 ປີ ປະຊາຊົນບ້ານຜາທອງ ແລະ ທ້າວ ກົງໃຈ ອາຍຸ 36 ປີ ຄ້າ-ຂາຍ ຢູ່ບ້ານນໍ້າຢ້າງ ເມືອງ
ວຽງທອງ ແຂວງບໍລິຄໍາໄຊ ມາສອບສວນດໍາເນີນຄະດີ ໃນວັນທີ 10 ສິງຫານີ້.
ເຈົ້າໜ້າທີ່ຕໍາຫຼວດເສດຖະກິດ ກອງບັນຊາການ ປກສ ແຂວງສະຫວັນນະເຂດ ໃຫ້ຮູ້ວ່າ: ພວກເຮົາໄດ້ຮັບການລາຍງານຈາກພົນລະເມືອງດີວ່າ: ມີກຸ່ມບໍ່ດີກໍາລັງລັກ
ລອບຂົນສົ່ງໄມ້ຜິດກົດໝາຍ ໂດຍນໍາໃຊ້ລົດຍີ່ຫໍ້ໂຕໂຢຕ້າ ວີໂກ້ແຊັມສີປອນທອງ ຈໍານວນ 2 ຄັນ ໝາຍເລກທະບຽນ ກກ 9761 ແລະ ກກ 1847 ກໍາແພງນະຄອນ
(ປ້າຍສີຟ້າ) ໂດຍພວກເຂົາໄດ້ດັດແປງທາງໃນຫ້ອງຂັບແລ້ວເອົາໄມ້ຂະຍຸງຊຸກເຊື່ອງໄວ້ໂດຍໃຊ້ຜ້າຫົ່ມປົກໄວ້ ແລ່ນຕາມເສັ້ນທາງເລກທີ 13 ໃຕ້ ຈາກແຂວງສາລະວັນ
ມຸ່ງໜ້າຈະຂຶ້ນເມືອແຂວງຄໍາມ່ວນ, ຫຼັງຈາກນັ້ນ, ຈຶ່ງໄດ້ອອກເຄື່ອນໄຫວກວດກາຕິດຕາມລົດເປົ້າໝາຍລົດຄັນດັ່ງກ່າວ,ແລ້ວປະສານສົມທົບກັບຕໍາຫຼວດເສດຖະກິດ
ຢູ່ຈຸດກວດດ່ານບ້ານນາຊາຍເມືອງໄຊບູລີ ແຂວງສະຫວັນນະເຂດ ຈົນມາຮອດເວລາ 7:00 ໂມງເຊົ້າຂອງວັນທີ 10 ສິງຫາ 2014 ຈຶ່ງພົບເຫັນລົດເປົ້າໝາຍຄັນດັ່ງ
ກ່າວທີ່ແລ່ນດ້ວຍຄວາມໄວສູງ; ດັ່ງນັ້ນ, ຈຶ່ງໄດ້ສະກັດລົດພ້ອມທັງກວດຄົ້ນພົບເຫັນພາຍໃນລົດມີໄມ້ຂະຍຸງທັງສອງຄັນ, ຄັນທີໜຶ່ງມີໄມ້ຂະຍຸງ ຈໍານວນ 39 ໂຕ, ນໍ້າ
ໜັກ 700 ກິໂລ ບໍລິມາດ 0,466 ແມັດກ້ອນ ແລະ ຄັນທີສອງມີໄມ້ຂະຍຸງຈໍານວນ 45 ໂຕນໍ້າໜັກ 641 ກິໂລ ບໍລິມາດ 0,427 ແມັດກ້ອນ.
ຜູ້ຖືກຫາທັງສອງຄົນໄດ້ຮັບສາລະພາບວ່າ: ໄດ້ຊື້ໄມ້ຂະຍຸງມາແຕ່ເມືອງຄົງເຊໂດນ ແຂວງສາລະວັນ ໃນລາຄາກິໂລລະ 15,000 ກີບ ເພື່ອເອົາໄປຂາຍຢູ່ແຂວງຄໍາມ່ວນ
ໃນລາຄາກິໂລລະ 400 ບາດ. ປັດຈຸບັນ, ເຈົ້າໜ້າທີ່ກໍາລັງດໍາເນີນຄະດີຕໍ່ເປົ້າໝາຍທັງສອງ ແລະ ສືບຫາກໍາມະສິດນໍາໃຊ້ລົດປ້າຍຟ້າ ( ປ້າຍລັດ) ທັງສອງຄັນນັ້ນແມ່ນ
ຂອງພາກສ່ວນໃດ, ມີເອກະສານຖືກຕ້ອງຕາມລະບຽບ ຫຼື ບໍ່

ປ້າຍສີຟ້າ ແມ່ນລົດ ພະນັກງານພັກລັດແມ່ນບໍ່ ? ກກ 9761