ລາວໂຮມລາວ ເພື່ອປະຊາທິປະໄຕ

ມື້ນີ້ນຳສະເໜີເລື່ອງຈິງ ທີ່ເກີດຂຶ້ນລະຫວ່າງ ຕຳຫຼວດສະເພາະກິດທີ່ປະຈຳການຢູ່ດ່ານບ້ານດົງສະຫວັນ, ເມືອງເຊໂປນ, ແຂວງສະຫວັນນະເຂດ (ປະຈຳການຊ່ວງເດືອນ 8/2014)

ເລື່ອງມີຢູ່ວ່າ... ຕອນຄ່ຳຂອງວັນທີ13/8/2014 ຂ້ອຍໄປຊື້ເຄື່ອງກິນຢູ່ຕະຫຼາດຂາຍເຄື່ອງກິນສຸກທີ່ຕະຫຼາດແລງ ເມືອງເຊໂປນ ແຂວງສະຫວັນນະເຂດ ໄດ້ພົບກັບເຫດການອັນສະເທືອນໃຈ ໂຫດຮ້າຍປ່າເຖື່ອນທີ່ສຸດ ເຖິງເວລາຜ່ານໄປຫຼາຍວັນແລ້ວ ແຕ່ພາບຄວາມໂຫດຮ້າຍທີ່ມະນຸດກະທຳຕໍ່ມະນຸດດ້ວຍກັນນັ້ນກໍ່ຍັງຕິດຕາຂ້ອຍຢູ່ ທ້າວເສີມໄຊຂ້ອຍເຫັນລາວມາຕັ້ງແຕ່ນ້ອຍ ບໍ່ເຄີຍມີປະຫວັດເຊື່ອມເສຍ ບໍ່ເຄີຍຜິດຖຽງກັບໃຜ
ໄດ້ມີຕຳຫຼວດ 4 ຄົນປືນອາກ້າຄົບມື ແລ່ນເຂົ້າໄປຕົບຕີທ້າວເສີມໄຊ ລາວລົ້ມລົງແລ້ວກໍ່ຍັງເອົາປືນທັ່ງໃສ່ຫົວລາວອີກ ທຸກຄົນກໍ່ຕົກໃຈ ຜູ້ຢືນເບິ່ງ ຜູ້ ໝູບ ຜູ້ແລ່ນ ສ້າງຄວາມແຕກຕື່ນໃນຕະຫຼາດ ຕ່າງຄິດວ່າທ້າວເສີມໄຊໄປຂ້າໃຜມາຫຼືໄປຕຳຄົນຕາຍມາບໍ ທັນໃດນັ້ນພໍ່ແລະແມ່ຂອງລາວກໍ່ອອກມາຫ້າມບໍ່ໃຫ້ຕີ ລູກຂ້ອຍຜິດຫຍັງ ຕຳຫຼວດ4 ຄົນກາບໍ່ຟັງ ຕີລູກລາວໃຫ້ເບິ່ງອີກ ເອົາຕີນທັ່ງຂຶ້ນລົດ ຕໍ່ໜ້າພໍ່ແມ່ຂອງລາວໂດຍທີ່ຍັງບໍ່ຮູ້ວ່າລູກຊາຍໄປເຮັດຫຍັງຜິດມາ ມີຕຳຫຼວດຜູ້ໜຶ່ງຍູ້ພໍ່ລາວລົ້ມລົງ ແມ່ຂອງລາວຫິ້ວເກີບລູກຊາຍແລ່ນໄປໃສ່ລົດກະບະວີໂກ້ຂອງຕຳຫຼວດສິຍື່ນໃຫ້ລູກຊາຍ ຕຳຫຼວດກາບໍ່ເອົາ ຝ້າວແລ່ນອອກໄປຈາກເຮືອນທ້າວເສີມໄຊ ຢ່າງໄວວາ ເປັນພາບທີ່ສະເທືອນໃຈທີ່ສຸດບໍ່ເຄິຍພົບເຄີຍເຫັນ ໃນຕອນນັ້ນພໍ່ແມ່ຍັງສະເທືອນໃຈເຮັດຫຍັງບໍ່ຖືກ ມີຜູ້ໜຶ່ງຮ້ອງໃສ່ວ່າ: ......ນຳໄປໄວໆໂລດ ເຂົາສິເອົາລູກເຈົ້າໄປຂ້າກາບໍ່ຮູ້ໃດຫັ້ນ.... ຂະນາດຢູ່ເຮືອນເຈົ້າແທ້ໆມັນຍັງເຮັດໂຫດປານນີ້ ຮີບໄປໄວໆ......ຜົນຕາມຄາດ ຂ້ອຍຮູ້ພາຍຫຼັງວ່າສະໝອງລາວບວມໄປເຂົ້າໂຮງໝໍ....,,,,.........ເລື່ອງນີ້ ມີຜູ້ເຫັນເຫດການຫຼາຍຄົນໃນຕະຫຼາດ ຈິງເປັນກະແສໃນຕອນນີ້ເປັນວົງກວ້າງ ພະນັກງານ ພໍ່ຄ້າແມ່ຄ້າ ປະຊາຊົນ ແລະຈະມີການນຳສະເໜີເລື່ອງດັ່ງກ່າວຕໍ່ການປະຊຸມພັກທ້າຍເດືອນ ເພື່ອໃຫ້ກວດສອບວິໃນປະຕິບັດທີ່ເກິນກວ່າເຫດ

ຕາມບົດບັນທຶກບອກວ່າລາວແກ່ວງກະປ່ອງ(ໂຍມ)ໃສ່ເຈົ້າໜ້າທີ່ດ່ານບ້ານດົງ ແລະໄດ້ຈັບເອົາລາວທັນທີ ເຊິ່ງມັນໄດ້ຂັດກັບຄວາມຈິງທີ່ຂ້ອຍເຫັນເຂົາມາຈັບເອົາທີ່ເຮືອນຂອງທ້າວເສີມໄຊ ຢູ່ຕະຫຼາດເມືອງເຊໂປນ ຫ່າງຈາກດ່ານບ້ານດົງສະຫວັນ 20 km

ຜ່ານການບອກເລົ່າທ້າວເສີມໄຊ ລາວບອກວ່າ : ຂັບລົດໄປຮັບເອົານ້ອງເມຍໄປຮຽນຢູ່ຫວຽດນາມກັບມາຮອດຊາຍແດນບໍມີລົດເມືອຢູ່ຊາຍແດນ ບ້ານແດນສະຫວັນ ຂາກັບມາໄດ້ຈອດລົດກົດແວ່ນລົງໃຫ້ກວດ ພໍບໍມີຫຍັງເຈົ້າໜ້າທີ່ກໍ່ໃຫ້ໄປ ແຕ່ໃນຄະນະສິເອົາແວ່ນຂຶ້ນໄດ້ເອົາກະປ໋ອງສະປອນເຊີ້ຢູ່ໃນມື ປ່ອນອອກຈາກລົດຈິ່ງເອົາແວ່ນຂຶ້ນ ພໍມາຮອດເຮືອນ ອອກມາຢືນໜ້າບ້ານ ຕຳຫຼວດກາເອົາປືນຄົບມື ແລ່ນເຂົ້າມາຫາລາວຖາມວ່າ: ມີຫຍັງບໍ່ ເວົ້າບໍ່ສຸດຄວາມກໍ່ ຖືກຕຳຫຼວດ4ຄົນ ເຕະກອງລົງກັບພື້ນ ປືນທັ່ງຫົວ ຕີນຢຽບຫຼັງຢຽບຄໍ ຂ້ອຍມຶນໄປໝົດ ທັນເຫັນພໍ່ຂ້ອຍຖືກເຂົາຍູ້ລົ້ມລົງ ຕອນຂັບລົດອອກໄປ ຫາດ່ານບ້ານດົງ ໄດ້ມີສອງຄົນຈັບມືໄວ້ ຜູ້ຢູ່ຂ້າງໂຊເຟີ້ ຫັນຫຼັງມາຕົບໜ້າຕົບຫົວ ບີບປາກ ພໍໄປຮອດດ່ານ ເຂົາເອົາກະແຈມື ມາໃສ່ ແລ້ວຊ້ອມ ໃຫ້ຍອມຮັບວ່າສູບຢາມ້າ ...ຢາສູບຂ້ອຍຍັງບໍໄດ້ສູບ ແຮງຂ້ອຍປະຕິເສດແຮງຖືກຕີ ຕີຫົວ ເອົາປະຕິທິນຕັ້ງໂຕະຟາດຫົວຂ້ອຍ ແລະບໍ່ໃຫ້ເວົ້າວ່າຈັບຢູ່ເຮືອນ

ຕໍ່ມາຂ້ອຍເອງມີຄວາມຢາກຮູ້ເລື່ອງກ່ຽວກັບທ້າວເສີມໄຊ ຂ້ອຍໄດ້ສອບຖາມພະນັກງານຢູ່ໃນດ່ານບ້ານດົງສະຫວັນທີ່ຮູ້ເຫດການບອກວ່າ : ເຮົາກາວ່າມັນກາບໍ່ສົມຄວນດອກນາຍສັ່ງແນ່ ໝໍຍ້ອງຢາກໄດ້ຜົນງານແນ່ ເຂົາເອົາແບ້ມາກິນ 4 ໂຕ ຢູ່ໃນດ່ານ ຮອງຫົວໜ້າປກສ ມາແຕ່ແຂວງ ໄດ້ສັ່ງໃຫ້ໄປເອົາໂຕໝໍ ຖິ້ມກະປ໋ອງລົງຈາກລົດມື້ກີ້ມາໃຫ້ໄດ້ ຖ້າເອົາມາບໍ່ໄດ້ ສູຕົກການ ລາວໂຫດນາຍນີ້ນະ ແຕ່ກ່ອນລາວໄປຕີບູນເມືອງຊົນ ຮອງເຈົ້າເມືອງເມືອງຊົນເວົ້າຢອກລາວວ່າໄມ້ຄືຮູຂີ້ນິກາສິເອົາເມືອ ເອົາເມືອເຮັດຫຍັງ ເອົາລົງໆ ລາວຈົກປືນສິຍິງຮອດ ຮອງເຈົ້າເມືອງ

ຂ້ອຍຄິດວ່າສັງຄົມລາວເກີດເຫດໂຫດຮ້າຍປານນີ້ເຮົາສິມີມາດຕາການແນວໃດເພື່ອບໍໃຫ້ມັນເກິດຂຶ້ນອີກກັບປະຊາຊົນຜູ້ທີ່ບໍ່ມີອຳນາດ ລູກນ້ອງຂາຍນາຍ ນາຍຂາຍລູກນ້ອງ ຈັກແມ່ນອີຫຍັງເປັນຈິງແທ້ ແຕ່ເລື່ອງທີ່ເກີດຂຶ້ນແທ້ ຄື ຂ້ອຍ ແມ່ຄ້າປະຊາຊົນໄດ້ເຫັນເຈົ້າໜ້າທີ່ຕຳຫຼວດທຸບຕີປະຊາຊົນແບບປ່າເຖື່ອນ

ຫຼືວ່າ ສັງຄົມຄວນລືມເລື່ອງນີ້ໃຫ້ຄືກັບວ່າບໍ່ມີຫຍັງເກີດຂຶ້ນ ບໍ່ຕ້ອງມີການກວດສອບຄວາມຈິງບໍ່ຕ້ອງມີການກວດວິໃນປະຕິບັດ ເຮັດເກີນກວ່າເຫດ ແມ່ນໜ່ວຍງານໃດ ແລະຂັ້ນໃດ ມີຄວາມເປັນທຳ ຂັ້ນແຂວງຂ້ອຍຄິດວ່າ.............. ຂ້ອຍຂໍຄວາມຄິດເຫັນ ແມ່ນໃຜກາບໍ່ຢາກໃຫ້ເກີດກັບຄົນທຸກຄົນບໍ່ວ່າໃຜ ລູກໃຜຫຼານໃຜກໍ່ເຈັບປວດທັ້ງນັ້ນ ຖ້າເກີດເຫດການແບບນີ້ ກັບຄອບຄົວຫຼືຄົນທີ່ຮູ້ຈັກຜູ້ທີ່ໄດ້ອ່ານຈະເຮັດແນວໃດ ?