ອາທິດແລ້ວນີ້ຂ້ອຍເຫັນຄົນຕ່າງປະເທດ (ລັດເຊຍ) ເອົາເງິນກີບມາຊື້ນ້ຳດື່ມກັບພະນັກງານເຄົາເຕີ້ຂອງໂຮງແຮມພອນທິບພລາຊາ (ກ່າແຂກຂອງເຂົາເອງຫັ້ນລະ) ແຕ່ເງິນທີ່ເອົາມາຈ່າຍແມ່ນເງິນປອມ, ທາງພະນັກງານຕ້ອນຮັບກໍ່ໄດ້ແຈ້ງໃຫ້ແຂກຊາບວ່າເງິນນັ້ນແມ່ນເງິນປອມແລະສອບຖາມວ່າເອົາມາແຕ່ໃສ? ແຂກກໍ່ຕອບວ່າ ໄປຫຼິ້ນແຖວແຄມຂອງມາແລ້ວຊື້ເຄື່ອງໜ້ອຍໜຶ່ງ, ເອົາເງິນບາດຈ່າຍອອກໄປແຕ່ໄດ້ເງິນທອນເປັນເງິນກີບ. ພະນັກງານກໍ່ບອກແຂກວ່າ ຂໍສະແດງຄວາມເສຍໃຈນຳເດີທ່ານໄດ້ເງິນທອນເປັນເງິນປອມ, ແລະທ່ານບໍ່ຄວນນຳໃຊ້ເພາະການນຳໃຊ້ເງິນປອມຜິດກົດໝາຍ. ເພາະພະນັກງານເຊື່ອວ່າແຂກບໍ່ຮູ້ແລະບໍ່ຕັ້ງໃຈຈະໃຊ້ເງິນປອມ, ແຂກຜູ້ນີ້ບໍ່ເຄີຍມາລາວແລະມາເທື່ອທຳອິດ, ມາກັບຄະນະທົວ, ມາພັກແຕ່ຄືນດຽວ. ແຂກເອງກໍ່ບໍ່ຈື່ວ່າໄດ້ເງິນປອມມາຈາກໃຜ? ຖ້າຈື່ພະນັກງານຈະໄດ້ປະສານກັບເຈົ້າໜ້າທີ່ຈັບຕົວ. ການເຮັດແນວນີ້ເຮັດໃຫ້ປະເທດເຮົາເສຍໜ້າເສນຕາຫຼາຍ ການກະທຳອັນເຫັນແກ່ຕົວຂອງຄົນບາງຄົນເຮັດໃຫ້ຄົນລາວຫຼາຍຄົນເສຍຊື່ສຽງ
