ລາວໂຮມລາວ ເພື່ອປະຊາທິປະໄຕ

Anonymous wrote:

---

---

 ສຳຫລັບ ສະພາບເສດຖະກິດປັດຈຸບັນແລະ ຫມູ່ບ້ານຊົນນະບົດ ທີ່ມີນັກຮຽນບໍ່ເກີນ 10 ຫາ 20ຄົນ ການມີໂຮງຮຽນຂະິຫນາດນີ້ ກໍອາດພໍໃຊ້ໄດ້ ແລວ້ 

ແຕ່ ທາງການຄວນສະຫນອງ ອຸປະກອນການຮຽນການສອນ ໃຫ້ຄົບຖວ້ນ ພອ້ມທັງໃຫ້ມີການຝຶກອົບຮົມຄູໃຫ້ໄດ້ຄຸນນະພາບ ບວກໃສ່ກັບ ໃຫ້ມີການສົ່ງເສີມເດັກນອ້ຍຊົນນະບົດໃຫ້ມີໂອກາດໄດ້ຮຽນສູງຄືກັບເດັກຢູ່ໃນເມືອງ ຄືໃຫ້ມີການສະຫນອງທຶນການສຶກສາໃຫ້ເດັກນອ້ຍທີ່ຢາກຮຽນ ແລະຣຽນເກັ່ງ

ເພື່ອວ່າ ບາດເຂົາໃຫຍ່ມາຈະໄດ້ເປັນກຳລັງແຮງທາງດ້ານພັດທະນາ ຊຶ່ງມັນອາດຈະດີກວ່າ ເດັກໃນເມືອງ ທີ່ບໍ່ເຄີຍຜ່ານຜ່າຊີວິດທີ່ຫຍຸ້ງຍາກ ຄືກັບຢູ່ຊົນະບົດ

ອີກຢ່າງນຶ່ງ ສຳຫລັບ ປະເທດລາວແລວ້ ຖ້າຫາກມີການສອນວິຊາຊີບ ນັບແຕ່ຂັ້ນປະຖົມ ມັດທະຍົມ ປະເທດຊາດ ກໍຈະໄດ້ຄົນທີ່ມີຄວາມສາມາດ ຫລາຍກວ່າ ແລະດີກວ່າ ການສ້າງຄົນໃນລະດັບ ປຣິນຍາຕຣີ ຫລື ໂທຊຳ້ອີກ

ເມື່ອນຶກເຖິງ ອະດີດ ພວກເຮົາເຈົ້າຂອ້ຍ ສະໃຫມກອ່ນ ແຕ່ລະບ້ານບໍ່ໄດ້ມີໂຮງຮຽນ ຄົນສວ່ນຫລາຍບໍ່ໄດ້ມີໂອກາດໄດ້ຣຽນ ແຕ່ ດຽວນີ້ ເຂົາມີໂຮງຮຽນຢູ່ທຸກບ້ານ ລູກຊາວໄຮ່ນາຕາມຊົນນະບົດ ຍັງມີສິດ ໄດ້ເຂົ້າຮຽນ ຊັ້ນສູງ ຊັ້ນ ປຣິນຍາ ໄດ້ ແຕ່ ຖ້າຢາກໃຫ້ການຮຽນ ມີຄຸນນະພາບ ສຳຫລັບຄົນໃນປະເທດນີ້ ທີ່ຍັງດອ້ຍພັດທະນາຢູ່ນັ້ນ ການສຶກສາ ທາງດ້ານວິຊາຊີບຫັ້ນລະ ແມ່ນກຸນແຈ ໃຂສູ່ຄວາມກ້າວຫນ້າ 

ອີກເທື່ອນຶ່ງ ໂຮງຮຽນແທ້ໆ ບໍ່ມີຄວາມສຳຄັນທໍ່ໄດ ຂໍແຕ່ ການສິດສອນຕອ້ງໄດ້ຄຸນະພາບ ແລະຕອ້ງໃຫ້ມີໂອກາດໄດ້ ຮຽນສູງຄືກັນຫມົດ 

ອີກຂໍ້ສັງເກດນຶ່ງ ນັກຮຽນ ຢູ່ຊົນນະບົດ ຈະສາມາດອ່ານອອກຂຽນເປັນໄດ້ໄວກວ່າ ເດັກໃນເມືອງ ຊຳ້ອີກ