ລາວໂຮມລາວ ເພື່ອປະຊາທິປະໄຕ

ທ່ານ Boris Nemtsov ຝ່າຍຄ້ານມະຫາປະຊານິຍົມຂອງຣັດເຊຍທີ່ຂັດຕໍ່ສາຍຕາຂອງ

ຜູ່ມີອຳນາດໄດ້ຖືກຄາດຕະກັມໃນກາງເມືອງຫລວງຂອງຣັດເຊຍຊຶ່ງບໍ່ໄກຈາກສຳນັກ

ແຄຣມແລງ.ລູກກະສູນຈຳນວນ 4 ນັດ ໄດ້ເຈາະເຂົ້າຫຼັງໃນຂນະຍ່າງຫຼີ້ນຕາມທາງຍ່າງ

ໃນຄໍ່າຄືນວັນສຸກຕໍ່ວັນເສົາເວລາ 23ໂມງ 15ຕາມເວລາທ້ອງຖີ່ນ.

ທ່ານ Boris Nemtsov ອະດີດຮອງນາຍົກລັດຖະມົນຕີທຳງານປະມານປີເຄິ່ງໃນສະໄໝ

ທ່ານ Boris Eltsine ເປັນ ປະທານາທິບໍດີໃນທ້າຍປີ 1990. ປີ 2000 ເມື່ຶອທ່ານປູຕິນ

ເປັນຫົວໜ້າວັງແຄຣມແລ້ງ,ທ່ານ Boris Nemtsov ຜູ່ໄຝ່ປະຊາທິປະໄຕ ໄດ້ກາຍເປັນ

ຝ່າຍຄ້ານທີ່ແຂງຂັນສຽບຂາດ ແລະ ເປັນທີ່ຊອບພໍຂອງປະຊາຊົນຍ້ອນເຮັດດີເພື່ອ

ປະໂຫຍດຂອງເຂົາຊຶ່ງບໍ່ຕ່າງກັນກັບພນັກງານພັດທະນາລາວທ່ານສົມບັດ ສົມພອນ

ຜູ້ດີເດັ່ນທີ່ມີຊາຕາກັມຄ້າຍເຄິ່ງກັນໂດຽຖືກບັງຄັບໃຫ້ຫາຍສາບສູນດ້ວຍ

ອຳນາດມືດທີ່ເຮັດໃຫ້ເຫດການນີ້ໂດ່ງດັ່ງໄປທົ່ວໂລກ.ແຕ່ທີ່ງຽບໄປເລີຍນັ້ນກໍ່ຄົງມີບໍ່

ນ້ອຍເຊັ່ນກັນ.ແຕ່ຄັ້ງນີ້ທີ່ຣັດເຊຍປະຊາຊົນຜູ້ຮັກຄວາມເປັນທັມຫຼາຍພັນຄົນໄດ້ອອກ

ມາເດີນໄວ້ອາໄລແກ່ທ່ານ Boris Nemtsov ຜູ້ທີ່ມີແຜນຈະພາມວນຊົນເດີນຂະບວນ

ໃນວັນອາທິດມື້ວານນີ້ເອງ.ແຕ່ມາຖືກຂ້າກ່ອນ.ແຕ່ຢູ່ລາວປະຊາຊົນບໍ່ໄດ້ອອກມາເດີນ

ຫ່ວງອາໄລ,ຄົງສັ່ງຊາວ່າໂອກາດບໍ່ທັນອຳນວຍ,ໄດ້ແຕ່ພຽງເກັບຄວາມໂສກເສົ້າ,ຂົ່ມຂື່ນ,

ອາໄລອາວອນໄວ້ໃນຊວງໄປກ່ອນເພື່ອລໍໂອກາດມາເຖິງ.