ລາວໂຮມລາວ ເພື່ອປະຊາທິປະໄຕ

Date: Feb 21, 2016

ລົດເມຕຳກັບລົດຕູ້ ເສຍຊີວິດຫຼາຍຄົນ.

Date: Feb 22, 2016

ຂປລ.ເວລາປະມານ 10 ໂມງເຊົ້າຂອງວັນທີ 21 ກຸມພາ ນີ້ ໄດ້ເກີດອຸປະຕິເຫດຢ່າງຮຸນແຮງລະຫວ່າງ ລົດເມໂດຍສານຂະໜາດ 45 ບ່ອນນັ່ງ ເບກແຕກເສຍລັກຕຳໃສ່ລົດຕູ້ນຳທ່ຽວ ຂະໜາດ 15 ບ່ອນນັ່ງຂະນະທີ່ຂົນນັກທ່ອງທ່ຽວຕ່າງປະເທດແບບເໝົາຄັນ 10 ຄົນຢູ່ເສັ້ນທາງຕັດໃໝ່ເມືອງກາສີ ແຂວງວຽງຈັນ ຫາ ເມືອງນານ ແຂວງຫລວງພະບາງ ເປັນເຫດໃຫ້ນັກທ່ອງທ່ຽວ ແລະ ຄົນລາວ ເສຍຊີວິດຄ່າທີ່ຈຳນວນ 5 ຄົນ ໃນນັ້ນເປັນຄົນເກົາຫລີ 4 ຄົນ ແລະ ລາວ 1 ຄົນເປັນຄົນຂັບລົດ ແລະ ຈໍານວນໜຶ່ງບາດເຈັບສາຫັດໄດ້ນໍາສົ່ງໂຮງໝໍຮີບດ່ວນ, ຂະນະທີ່ຜູ້ໂດຍສານລົດເມ 45 ບ່ອນນັ່ງ ບາດເຈັບພຽງເລັກໜ້ອຍແຕ່ບໍ່ມີຜູ້ເສຍຊີວິດ.

ທ່ານ ຄຳເພົ້າ ວົງພະຈັນ ຮອງຫົວໜ້າຫ້ອງການຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເມືອງກາສີ ເຊິ່ງເປັນຜູ້ທີ່ໄດ້ໄປເບິ່ງຕົວຈິງຫລັງເກີດເຫດບອກວ່າ: ກ່ອນເກີດເຫດໄດ້ມີລົດຕູ້ ຍີ່ຫໍ້ໂຕໂຍຕາບັນຈຸນັກທ່ອງທ່ຽວທັງໝົດ 10 ຄົນ ປ້າຍລົດ: ຫລວງພະບາງ 5536 ມຸ່ງໜ້າຈາກນະຄອນຫລວງວຽງຈັນ ໄປຍັງແຂວງຫລວງພະບາງ ພໍໄປຮອດຈຸດເກີດເຫດສົ້ນຂົວນ້ຳປອງ ບ້ານທົ່ງເໝືອດ ຫ່າງຈາກເມືອງກາສີ ປະມານ 22 ກິໂລແມັດ ເຊິ່ງກຳລັງເລີ່ມຂຶ້ນຄ້ອຍຊັນ ກໍໄດ້ຕຳປະສານງານກັບລົດເມ 45 ບ່ອນນັ່ງພວມບັນທຸກຄົນໂດຍສານ ຫລວງພະບາງ-ວຽງຈັນ ເຊິ່ງຂະນະນັ້ນລົດເມ 45 ບ່ອນເກີດຄັດຂ້ອງດ້ານເຕັກນິກ ເບກແຕກທີ່ບໍ່ສາມາດຄວບຄຸມໄດ້ ແລ່ນລົງຢ່າງແຮງມາຕຳໃສ່ລົດຕູ້ຄັນດັ່ງກ່າວ ຈົນເຫລືອແຕ່ຊ່ວງລ່າງກັບຝາຂ້າງໜຶ່ງ ເຮັດໃຫ້ມີຜູ້ເສຍຊີວິດເຖິງ 5 ຄົນ.

ເສັ້ນທາງສາຍດັ່ງກ່າວ ແມ່ນກຳລັງໄດ້ຮັບຄວາມນິຍົມຈາກຜູ້ໃຊ້ລົດໃຊ້ຖະໜົນເນື່ອງຈາກເສັ້ນທາງທີ່ມີໄລຍະສັ້ນກວ່າເສັ້ນທາງເກົ່າທີ່ລັດໄປໃສ່ແຂວງຫລວງພະບາງ ກໍຄືບັນດາແຂວງພາກເໜືອ. ນັບແຕ່ປີ 2015 ເຖິງປັດຈຸບັນ, ເຈົ້າໜ້າທີ່ເປີດເຜີຍວ່າ: ຜ່ານມາປະກົດວ່າ ໄດ້ເກີດອຸປະຕິເຫດຂຶ້ນຫລາຍຄັ້ງ ເຮັດໃຫ້ມີຜູ້ເສຍຊີວິດ 18 ຄົນ ແລະ ຊັບສິນເສຍຫາຍພໍສົມຄວນຢູ່ບໍລິເວນດັ່ງກ່າວ,