ເສົ້າສະຫລົດໃນນຳພີ່ນ້ອງລາວທີ່ປະສົບພົບພໍ້ກັບໄພພິບັດຄັ້ງນີ້ ແລະ ຫວັງວ່າພາກສ່ວນທີ່ກ່ຽວຂ້ອງຈະຮັບຊິດຊອບ

ແລະໃຫ້ການຊ່ອຍເຫຼືອຢ່າງສຸດຄວາມສາມາດ.

3 ປີ ແຕກ 3 ເຂື່ອນ ແລ້ວຈະສ້າງຄວາມເຊື່ອໝັ້ນແນວໃດຕໍ່ປະຊາຊົນ ກັບເຂື່ອນທີ່ມີ ແລະ ກຳລັງກໍ່ສ້າງຢູ່ນັບຮ້ອຍ?

ຈາກກະແສໃນສັງຄົມອອນລາຍ ກໍ່ຄືສັງຄົມຕົວຈິງຂະນະນີ້, ທີ່ເກີດເຫດສັນເຂື່ອນເຊປຽນ-ເຊນ້ຳນ້ອຍ ເມືອງປາກຊ່ອງ ແຂວງຈຳປາສັກແຕກຍະ ເຮັດໃຫ້ມວນນ້ຳມະຫາສານຖືກປ່ອຍອອກຈາກເຂື່ອນ ແລະ ໄຫຼເຂົ້າຖ້ວມເມືອງສະໜາມໄຊ ແຂວງອັດຕະປືຢ່າງກະທັນຫັນ ອັນໄດ້ສົ່ງຜົນກະທົບເປັນວົງກວ້າງຕໍ່ຊີວິດ, ຊັບສິນ, ຊັບພະຍາກອນທຳມະຊາດ ແລະ ລະບົບພື້ນຖານໂຄງລ່າງ.

ເຂື່ອນເຊປຽນ-ເຊນ້ຳນ້ອຍ ແມ່ນລະບົບເຂື່ອນທີ່ອ້າງເກັບນ້ຳໄດ້ເຊື່ອມຕໍ່ໃສ່ກັນ ຈາກຫ້ວຍໝາກຈັນ ລົງສູ່ເຂື່ອນເຊປຽນ, ຈາກເຂື່ອນເຊປຽນ ລົງສູ້ເຂື່ອນເຊນ້ຳນ້ອຍ ແລະ ອ້າງເກັບນ້ຳເຂື່ອນເຊນ້ຳນ້ອຍເປັນອ້າງເກັບນ້ຳທີ່ໃຫຍ່ທີ່ສຸດໃນລະບົບເຂື່ອນດັ່ງກ່າວ ດ້ວຍເນື້ອທີ່ 522 ຕາລາງກິໂລແມັດ ເຊິ່ງສັນເຂື່ອນທີ່ແຕກກໍ່ແມ່ນສັນກັ້ນອ້າງເກັບນ້ຳເຊນ້ຳນ້ອຍ.

ໂດຍໂຄງການເຂື່ອນເຊປຽນ-ເຊນ້ຳນ້ອຍ ໄດ້ເລີ່ມລົງມືກໍ່ສ້າງມານັບຕັ້ງແຕ່ທ້າຍປີ 2013 ແລະ ຄາດວ່າຈະສຳເລັດໃນຕົ້ນປີ 2019 ມີກຳລັງການຜະລິດ 410 ເມກາວັດ ໂດຍມີເຈົ້າຂອງໂຄງການແມ່ນບໍລິສັດໄຟຟ້າເຊປຽນ-ເຊນ້ຳນ້ອຍ ພາຍໃຕ້ການຮ່ວມຮຸ້ນຂອງ:

- ບໍລິສັດ SK Engineering and Construction (SK E) ຈາກປະເທດເກົາຫຼີໃຕ້ຖືຮຸ້ນ 26%,

- ບໍລິສັດ Korea Western Power (KOWEPO) ຈາກປະເທດເກົາຫຼີໃຕ້ ຖືຮຸ້ນ 25%,

- ບໍລິສັດ Generating Holding Public (RATCH) ຈາກປະເທດໄທ ຖືຮຸ້ນ 25%

- ລັດວິສາຫະກິດຖືຮຸ້ນລາວ (LHSE) ຖືຮຸ້ນ 24%

ດ້ວຍມູນຄ່າຂອງໂຄງການ 1,020 ລ້ານໂດລາສະຫະລັດ.

ເມື່ອຫວນຄືນກັບໄປເມື່ອວັນທີ 11 ກັນຍາ 2017 ທີ່ຜ່ານມາ ເຂື່ອນນ້ຳອ້າວ ເມືອງຜາໄຊ ແຂວງຊຽງຂວາງ ທີ່ມີກຳລັງການຜະລິດໄຟຟ້າ 15 ເມກາວັດ ໄດ້ແຕກ ແລະ ເຮັດໃຫ້ມວນນຳມະຫາສານໄຫຼລົງໃສ່ເມືອງທ່າໂທມ ແຂວງໄຊສົມບູນ ເຊິ່ງໄດ້ສ້າງຄວາມເສຍຫາຍເປັນວົງກວ້າງຕໍ່ຊັບສິນ, ສິ່ງແວດລ້ອມ ແລະ ລະບົບພື້ນຖານໂຄງລ່າງເຊັ່ນກັນ, ໂດຍເຂື່ອນດັ່ງກ່າວແມ່ນບໍລິສັດບໍ່ທອງອິນເຕີກຣຸບ ຈຳກັດ ເປັນເຈົ້າຂອງໂຄງການ ແລະ ໃນຂະນະທີ່ແຕກແມ່ນກຳລັງຢູ່ໃນຂັ້ນຕອນການກໍ່ສ້າງໄດ້ 80%.

ແລະ ປີກ່ອນໜ້ານັ້ນຄືວັນທີ 16 ທັນວາ 2016 ກໍ່ໄດ້ເກີດເຫດອຸບມົງໄຟຟ້າເຂື່ອນເຊກະໝານ 3 ແຕກ ເຮັດໃຫ້ນ້ຳໄຫຼຊຸຢ່າງຮຸນແຮງທີ່ບ້ານດາກຢຣັງ ເມືອງດາກຈຶງ ແຂວງເຊກອງ ໂດຍເຂື່ອນເຊກະໝານ 3 ແມ່ນມີກຳລັງການຜະລິດ 250 ເມກາວັດ ຕັ້ງຢູ່ເມືອງດາກຈຶງ ແຂວງເຊກອງ ໂດຍແມ່ນບໍລິສັດ Songda ຂອງຫວຽດນາມເປັນຜູ້ກໍ່ສ້າງ, ຂະນະທີ່ເຂື່ອນແຕກແມ່ນຢູ່ໃນໄລຍະການຜະລິດແລ້ວ ເພາະກໍ່ສ້າງສຳເລັດມາແຕ່ປີ 2014.

ສະຫະປະຊາຊາດ ພ້ອມໃຫ້ການຊ່ວຍເຫຼືອ ແລະ ບັນເທົາທຸກ ແກ່ປະຊາຊົນລາວທີ່ປະສົບໄພພິບັດເຂື່ອນແຕກ

ລາຍງານ 25 ກໍລະກົດ 2018, ຈາກກໍລະນີເຂື່ອນເຊປຽນ-ເຊນ້ຳນ້ອຍແຕກ ເຮັດໃຫ້ມວນນ້ຳມະຫາສານໄຫຼເຂົ້າຖ້ວມບ້ານເຮືອນປະຊາຊົນໃນເຂດເມືອງສະໜາມໄຊ ແຂວງອັດຕະປື ເຊິ່ງເຮັດໃຫ້ມີຜູ້ເສຍຊີວິດ ແລະ ສູນຫາຍເປັນຈຳນວນຫຼາຍ, ລວມທັງຫຼາຍກວ່າ 6,000 ຄົນບໍ່ມີທີ່ພັກອາໄສ.

ຫຼ້າສຸດທ່ານ ສະຕີເຟັນ ດູຮາຣິກ ໂຄສົກອົງການສະຫະປະຊາຊາດຖະແຫຼງວ່າ: ເລຂາທິການໃຫຍ່ອົງການສະຫະປະຊາຊາດ ເສຍໃຈກໍ່ກັບການສູນເສຍຊີວິດ ແລະ ຊັບສິນອັນເກີດຈາກເຫດເຂື່ອນເຊປຽນ-ເຊນ້ຳນ້ອຍແຕກ ເນື່ອງມາຈາກພາຍຸຝົນຕົກໜັກ, ເຊິ່ງເລຂາທິການໃຫຍ່ສະຫະປະຊາຊາດ ໄດ້ສະແດງຄວາມເສຍໃຈໄປຍັງຄອບຄົວຂອງຜູ້ປະສົບໄພ ແລະ ຕໍ່ລັດຖະບານ ກໍ່ຄືປະຊາຊົນໃນອາຊີຕາເວັນອອກສຽງໃຕ້ ພ້ອມທັງສະແດງຄວາມພ້ອມທີ່ຈະໃຫ້ການຊ່ວຍເຫຼືອ ແລະ ບັນເທົາທຸກແກ່ ສປປ.ລາວ.

ຕໍ່ກັບບັນຫາດັ່ງກ່າວ, ຫຼາຍປະເທດໃນໂລກກໍ່ໄດ້ສະແດງເຈດຈຳນົງທີ່ຈະໃຫ້ການຊ່ວຍເຫຼືອແກ່ ສປປ.ລາວ ໂດຍສະເພາະບັນດາປະເທດໃນອາຊີເຊັ່ນ: ໄທ ແລະ ເກົາຫຼີໃຕ້ ແມ່ນໄດ້ສົ່ງທີມກູ້ໄພທີ່ຊ່ຽວຊານ ພ້ອມທັງເຮລິຄັອບແຕ, ເຮືອ ແລະ ອຸປະກອນທີ່ຈຳເປັນເຂົ້າມາໃນລາວແລ້ວ, ສ່ວນສິງກະໂປ ແລະ ມາເລເຊຍກໍ່ໄດ້ສະແດງເຈດຈຳນົງທີ່ພ້ອມຈະໃຫ້ການຊ່ວຍເຫຼືອເທົ່າທີ່ຈະຊ່ວຍໄດ້.

ໃນດ້ານຂອງລັດຖະບານລາວ, ທ່ານ ທອງລຸນ ສີລຸສິດ ນາຍົກລັດຖະມົນຕີ ແລະ ຄະນະກໍ່ໄດ້ລົງຕິດຕາມສະຖານະການການຊ່ວຍເຫຼືອປະຊາຊົນຜູ້ປະສົບໄພພິບັດຢ່າງໃກ້ຊິດ ຢູ່ທີ່ເມືອງສະໜາມໄຊ ແຂວງອັດຕະປື ພ້ອມທັງໄດ້ມອບເງິນຊ່ວຍເຫຼືອເບື້ອງຕົ້ນ 1.2 ຕື້ກີບ.

UN ready to assist rescue and relief effort as dam collapses in Laos, with many feared dead

According to news reports, the collapse of the dam created flash flooding conditions that swept through Attapeu province in south-eastern Laos, submerging villages and leaving more than 6,000 homeless.

 “The Secretary-General is saddened by the loss of life and significant damage caused by a break in the hydroelectric dam under construction…adding to the previous destruction caused by Tropical Storm Son,” said his Spokesman Stéphane Dujarric in a statement.

At least 20 people are believed to have died and many more who are missing are feared dead. It was reported that continuous rainstorms had caused a high volume of water to flow into the project’s reservoir, putting pressure on the dam.

The Secretary-General extended his condolences to the victims’ families and to the Government and people of the Southeast Asian country, while also expressing the UN’s readiness to support the national rescue and relief efforts if required, Mr. Dujarric said.