ລາວໂຮມລາວ ເພື່ອປະຊາທິປະໄຕ

buckhumnoy · Guru

ສາກົນຂໍໃຫ້ ລາວ ສືບຫາ ນັກເຄື່ອນໄຫວ ໄທ

buckhumnoy · Guru

ການຈັບຂັງຜູ້ຕ້ອງສົງສັຍ ຢູ່ລາວ

1c51b44d-566a-480f-b9e6-1676401b1b1f.jpe

ສະພາບການກັກຂັງນັກໂທດ ຢູ່ແຂວງສະຫວັນນະເຂດ ຍັງຄົງບໍ່ໄດ້ມາດຕະຖານ ແລະ ຂັດກັບຫຼັກການສິດທິມະນຸດ ບໍ່ວ່າຈະເປັນການໃສ່ ກັບຂານັກໂທດ ທີ່ເຮັດດ້ວຍໄມ້ ຫລື ໝາກກະໂລກ, ການກັກຂັງເກີນກຳນົດ ແລະ ສະພາບຄຸກບ່ອນກັກຂັງ ມີຄວາມແອອັດ.

ທ່ານ ພັນໂທ ສົມພອນ ສຸດທິສົມບັດ ສະມາຊິກສະພາປະຊາຊົນ ແຂວງສະຫວັນນະເຂດ ປະຈຳເຂດເລືອກຕັ້ງເມືອງໄຊພູທອງ ໄດ້ກ່າວ ກ່ຽວກັບການໃສ່ກັບຂານັກໂທດທີ່ເຮັດດ້ວຍໄມ້ ຫລືວ່າໝາກກະໂລກ ຢູ່ໃນກອງປະຊຸມສະພາ ປະຊາຊົນ ແຂວງສະຫວັນນະເຂດ ໃນວັນທີ 9 ມົກກະຣາ ວ່າ:

"ເມື່ອກ່ອນລະມີຄຳຮ້ອງທຸກ ຂອງປະຊາຊົນ ນີ້ນ່າ ເວົ້າເລື້ອງການກັກຂັງ ກອງບັນຊາການທະຫານເມືອງ ລະເຮົານີ້ຍັງໃສ່ ໝາກກະໂລກ ໝາກກະໂລກນີ້ຖືວ່າ ຄົນໂທດໜັກໃດ ອັນນີ້ ພໍພຽງແຕ່ເປັນຜູ້ຕ້ອງຫານ່າ ຍັງບໍ່ທັນໄດ້ຕັດສິນແຕ່ວ່າ ໄປໃສ່ໝາກກະໂລກ ລະຄວາມຍຸຕິທັມ ມັນບໍ່ຄັກປານໃດ ອັນນີ້ຫັ້ນນ່າ".

ສາເຫດທີ່ເຈົ້າໜ້າທີ່ໃສ່ກັບຂາ ຍ້ອນວ່າ ເຂົາເຈົ້າຢ້ານນັກໂທດໂຕນ ແລະ ຄຸກບາງແຫ່ງຢູ່ໃນແຂວງສະຫວັນນະເຂດ ບໍ່ມີຮົ້ວ ບໍ່ມີກຳແພງ, ແຕ່ສິ່ງດັ່ງກ່າວມັນຂັດກັບສິດທິມະນຸດ, ດັ່ງ ທ່ານ ພັນໂທ ສົມພອນ ກ່າວ່າ:

"ມາຕຖານຂອງການຄຸມຂັງນີ້ນ່າ ຄັນຢ້ານມັນໂຕນ ຄັນວ່າ ຮົ້ວບໍ່ມີໜາມໝາກຈັບ ຈຳເປັນຕ້ອງໄດ້ໃສ່ໝາກກະໂລກ ເຂົາວ່າຫັ້ນນ່າ ອັນນີ້ ຈັ່ງວ່າຄວນລົງທຶນເຮັດບໍ່ຂອງແນວນີ້ ເພາະວ່າ ສິດທິມະນຸດໄດ໋ ເຂົາເຈົ້າກະຍັງບໍ່ທັນ ໄດ້ຕັດສິນເປັນນັກໂທດ ສະນັ້ນ ຂ້າພະເຈົ້າວ່າ ເຮົາຄວນເບິ່ງຄືນເບິ່ງໂຕນີ້."

ສະພາບຜູ້ຕ້ອງຫາບໍ່ວ່າຈະເປັນເດັກນ້ອຍ ຫຼືຜູ້ໃຫຍ່ ແມ່ນຖືກຂັງຮວມກັນທັງໝົດ ແລະ ສະພາບຄຸກກໍມີຄວາມແອອັດກັນ, ດັ່ງທ່ານກ່າວວ່າ:

"ລະກະຢູ່ໃນນັ້ນອີກ ຢູ່ໃນສູນດັດສ້າງຫລັກ 33 ນີ້ນ່າ ຄົນ 1,000 ປາຍ ຫ້ອງນຶ່ງລະເຮືອນ 30 ກວ່າແມັດນີ້ເນາະ 200, 300 ຄົນ ມັນຊິ ນອນກະບໍ່ໄດ້ ມັນນັ່ງນອນນ່າ ອັນນີ້ກະບ້າ ຄວນຄິດໄດ໋ ອັນນີ້ກະດາຍ ເພາະວ່າ ເຮົາກະຮັບຜິດຊອບເລື້ອງນີ້ໄດ໋ ມັນເວົ້າເລື້ອງສິດທິມະນຸດ ໄດ໋ເນາະ."

ອົງການຈັດຕັ້ງສາກົນສະແດງຄວາມເປັນຫ່ວງ ກ່ຽວກັບສະພາບບ່ອນຄຸມຂັງ ແລະ ນັກໂທດຢູ່ປະເທດລາວ ຍ້ອນວ່າ ທາງການລາວ ຍັງບໍ່ ອະນຸຍາດໃຫ້ອົງການຈັດຕັ້ງສາກົນ ທີ່ກ່ຽວຂ້ອງເຂົ້າຢ້ຽມຢາມ ສະພາບຄຸກກັກຂັງນັກໂທດ. ທ່ານ ແອນເດຣັຽ ຫົວໜ້າອົງການສະຫະພັນ ສາກົນ ເພື່ອສິດທິມະນຸດ ຫລື International Federation for Human Rights ໄດ້ກ່າວຕໍ່ເອເຊັຍເສຣີ ວ່າ:

"ຄວາມຈິງກໍຄືວ່າ ສະມາຊິກພັກ ໂດຍສະເພາະ ສະມາຊິກສະພາແຫ່ງຊາດ ໄດ້ເວົ້າຢູ່ໃນກອງປະຊຸມສະພາວ່າ ສະພາບຂອງຄຸກຂັງນັກໂທດ ນັ້ນບໍ່ດີ ຊຶ່ງໄດ້ມີການອະພິປາຍໃນລະດັບຊາດ."

ໃນວັນທີ 2 ທັນວາ 2018 ທີ່ຜ່ານມາ, ຢູ່ແຂວງສະຫວັນນະເຂດ ມີການໃຫ້ອະພັຍໂທດ ແກ່ນັກໂທດ 120 ຄົນ ຍິງ 25 ຄົນ, ຜ່ອນໂທດ ຈຳນວນ 290 ຄົນ ຍິງ 29 ຄົນ ຊຶ່ງສ່ວນຫຼາຍແມ່ນ ນັກໂທດຄະດີຢາເສບຕິດ ອີງຕາມການລາຍງານຂ່າວຂອງເວັບໄຊ ສະຫວັນພັທນາ.

ນອກຈາກນີ້ ຍັງມີການຈັບຕົວຊາວລາວທີ່ຖືສາສນາຄຣິສຕຽນ:

ຜູ້ນຳໂບດຄຣິສຕຽນ ແລະ ຊາວລາວຄຣິສຕຽນ ຢູ່ບ້ານນາຄະນອງ ເມືອງພິນ ແຂວງສະຫວັນນະເຂດ ຈຳນວນທັງໝົດ 7 ຄົນ ຖືກ ເຈົ້າໜ້າທີ່ຕຳຣວດ ເມືອງພິນຈັບ ເມື່ອວັນທີ 29 ທັນວາ 2018 ຜ່ານມາ ໃນຂໍ້ຫາເຕົ້າໂຮມກັນປະກອບພິທີ ໃນວັນຄຣິສມາສ ໂດຍບໍ່ໄດ້ຮັບ ອະນຸຍາດຈາກທາງການ, ອີງຕາມຄຳເວົ້າຂອງ ທ່່ານ ສິຣິກູນ ປະເສີດສີ ຫົວໜ້າ ກຸ່ມຕິດຕາມ ສິ້ງຊອມສິດທິມະນຸດ ເພື່ອເສຣີພາບ ໃນການນັບຖືສາສນາ ຢູ່ໃນປະເທດລາວ.

ທ່ານສິຣິກູນ ກ່າວວ່າ ໃນບັນດາຊາວລາວຄຣິສຕຽນ 7 ຄົນ ດັ່ງກ່າວປະກອບດ້ວຍຫົວໜ້າໂບດ 3 ຄົນ ໄດ້ແກ່ ທ້າວອະແກ້ວ, ທ້າວເກີດ ແລະ ທ້າວສົມຫວັງ ແລະ ຊາວລາວ ຄຣິດຕຽນ ອີກ 4 ຄົນ ຄື; ທ້າວບູໄລ, ທ້າວຈຳປີ, ທ້າວອະເກ ແລະ ທ້າວອະຍັງ ໂດຍທັງ 7 ໄດ້ຖືກໃສ່ກັບມື ແລ້ວພາໄປຂັງ ຢູ່ສະຖານີຕຳຣວດເມືອງພິນ.

ແລະການຈັບຊາວຄຣິສຕຽນອີກເຫດການນຶ່ງ ໃນວັນທີ 18 ພຶສຈິກາ 2018 ຊາວລາວຄຣິສຕຽນ 4 ຄົນ ຢູ່ບ້ານແກ້ວວິໄລ ເມືອງວິລະບູລີ ແຂວງສະຫວັນນະເຂດ ກໍຖືກຈັບປະກອບດ້ວຍ ແມ່ຕູ້ ບຸນລຳ ອາຍຸ 78 ປີ, ທ້າວ ດວງທາ, ທ້າວຄຳປັນ ແລະ ທ້າວ ພອນສະຫວັນ ກໍຖືກ ເຈົ້າໜ້າທີ່ຕຳຣວດຈັບເຊັ່ນດຽວກັນ.

ນອກຈາກຢູ່ແຂວງສະຫວັນນະເຂດແລ້ວ, ເຈົ້າໜ້າທີ່ທາງການແຂວງເຊກອງ ໄດ້ມີການຈັບຕົວຊາວບ້ານຢຶບ ເມືອງທ່າແຕງ ແຂວງເຊກອງ 15 ຄົນ ເລື້ອງຂໍ້ຂັດແຍ່ງ ເລື້ອງທີ່ດິນໃນປີ 2017 ທີ່ຜ່ານມາ ແລະ ໃນນັ້ນ ມີຜູ້ເສັຍຊີວິດ 1 ຄົນ ຄື ທ້າວ ສົມສະຫວັນ.

ໃນຈຳນວນຊາວບ້ານ 15 ຄົນ ທີ່ຖືກຈັບຕົວນັ້ນມີ ນາງ ນີ ແລະ ທ້າວ ນາກ ທີ່ຍັງເປັນເຍົາວະຊົນ ອາຍຸຕ່ຳກ່ວາ 18 ປີ ກໍຖືກຈັບ ເຊັ່ນດຽວກັນ ແລະ ທັງສອງຄົນຫາ ກໍ່ຖືກປ່ອຍຕົວ ໃນເດືອນ ມິຖຸນາ 2018 ທີ່ຜ່ານມາ.

ແລະ ຢູ່ນະຄອນຫລວງວຽງຈັນ ເຫດການໃຫຍ່ຖືກເຫດການນຶ່ງກໍຄື ການລັກພາຕົວທ່ານ ສົມບັດ ສົມພອນ ນັກພັທນາ ອາວຸໂສ ດີເດັ່ນຂອງລາວ ໃນວັນທີ 15 ທັນວາ 2012 ແລະ ຈົນມາເຖິງປັດຈຸບັນ ເຫດການຜ່ານໄປ 6 ປີ, ແຕ່ເຈົ້າໜ້າທີ່ ທາງການລາວ ກໍອອກມາປະຕິເສດວ່າ ບໍ່ມີສ່ວນກ່ຽວຂ້ອງ ໃນເລື້ອງນີ້ ແລະພ້ອມທັງປະຕິເສດ ທີ່ຈະຮັບເອົາການຊ່ວຍເຫລືອ ທາງດ້ານວິຊາການ ໃນການຊອກຫາຕົວ ທ່ານ ສົມບັດ ສົມພອນ.

buckhumnoy · Guru

buckhumnoy wrote:
ສາກົນຂໍໃຫ້ ລາວ ສືບຫາ ນັກເຄື່ອນໄຫວ ໄທ

ຣັຖບານລາວ ຄວນສືບສວນການຫາຍສາບສູນ ຂອງນັກເຄື່ອນໄຫວການເມືອງໄທ 3 ຄົນ ທີ່ຖືກພົບເຫັນຄັ້ງຫຼ້າສຸດ ຢູ່ນະຄອນຫລວງວຽງຈັນ ຢ່າງຮີບດ່ວນ, ຕາມຖແລງການ ຂອງອົງການສິດທິມະນຸດ ຫລື Human Rights Watch (HRW).
ທ່ານ ບແຣດ ອາດັມ (Brad Adams), ຜູ້ອຳນວຍການ HRW ປະຈຳເຂດເອເຊັຽ ກ່າວຕໍ່ ວິທຍຸເອເຊັຽເສຣີ ຈາກເມືອງແຊນຟແຣນຊິສໂກ (San Francisco), ສະຫະຣັຖ ອະເມຣິກາ ຜ່ານທາງໂທຣະສັບ ໃນມື້ວັນທີ 24 ມົກຣາ ນີ້, ພາຍຫລັງ ທີ່ນາຍຕຳຣວດໄທ ຢືນຢັນວ່າ 2 ສົບ ທີ່ພົບຢູ່ ແມ່ນ້ຳຂອງ ເຂດນະຄອນພະນົມ ເປັນສົບຜູ້ໃກ້ຊິດ ຂອງນັກເຄື່ອນໄຫວ ທາງການເມືອງໄທ ຄື ທ່ານສຸຣະໄຊ ນັ້ນ:
"The last time these 3 men were seen in Laos, Vientiane, and we need the Lao govt to investigate what happened to them. Laos is one party state, the police know everything is going on, the ruling party has eyes all over the country, so they know what’s going on."
"ທັງ 3 ຄົນ ຖືກພົບເຫັນ ຢູ່ນະຄອນຫລວງວຽງຈັນ ພວກເຮົາ ຈຶ່ງຕ້ອງການໃຫ້ຣັຖບານລາວ ສືບສວນວ່າ ມີຫຍັງເກີດຂຶ້ນ ກັບພວກເຂົາເຈົ້າ. ລາວ ເປັນຣັຖ ທີ່ພັກດຽວກຳອຳນາດ, ຕຳຣວດຮູ້ ທຸກສິ່ງທຸກຢ່າງທີ່ເກີດຂຶ້ນ, ພັກກຳອຳນາດ ມີຫູມີຕາ ຢູ່ທົ່ວປະເທດ ດັ່ງນັ້ນ ພວກເພິ່ນກໍຮູ້ວ່າ ມີຫຍັງເກີດຂຶ້ນ."
ພົລຕຳຣວດຕຣີ ທະນະຊາດ ຣອດຄອງຕັນ, ຜູ້ບັງຄັບການ ສຳນັກງານຕຳຣວດພູທອນ ແຂວງນະຄອນພະນົມຂອງໄທ, ກ່າວຕໍ່ຂ່າວ ເບີນາຣ໌ນິວສ ວ່າ ສະຖາບັນ ນິຕິເວດ ກວດປຽບທຽບ ດີເອັນເອ (DNA) ຂອງສົບ ທີ່ພົບຢູ່ໃນເຂດນະຄອນພະນົມ ກັບໂຕຢ່າງ ດີເອັນເອ ຂອງພີ່ນ້ອງໃກ້ຊິດ ຜູ້ກ່ຽວ ແລ້ວຢືນຢັນວ່າ ທັງ 2 ສົບທີ່ພົບນັ້ນ ເປັນຄົນໃກ້ຊິດ ທ່ານ ສຸຣະໄຊ ແທ້.
"ຜົລກວດຂອງທັງ 2 ສົບ ຢືນຢັນ ບໍ່ປະຕິເສດຄວາມສັມພັນ ຣະຫວ່າງການເປັນບິດາ ມານດາ ແລະ ລູກ ທີ່ທາດພະນົມ ເປັນສົບທ້າວ ຊັດຊານ ບຸບຜາວັນ ຫລື ພູຊະນະ. ອີກສົບນຶ່ງທີ່ພົບ ຜົລການກວດ ບໍ່ປະຕິເສດຄວາມສັມພັນ ແບບບິດາ ແລະ ລູກ ຜູ້ຕາຍຄືທ້າວ ໄກຣເດດ ລືເລີດ ຫລື ສະຫາຍ ກາສະລອງ."
ທ່ານ ສຸຣະໄຊ ນັກເຄື່ອນໄຫວ ຕ້ານສະຖາບັນ ພຣະມະຫາກະສັດ ຂາດການຕິດຕໍ່ກັບ ພັລຍາ ແລະ ໝູ່ ຕັ້ງແຕ່ມື້ວັນທີ 12 ທັນວາ 2018.
ຕຳຣວດໄທ ຢືນຢັນວ່າ ພົບແຕ່ 2 ສົບ ຄື ທ້າວ ພູຊະນະ ວັຍ 54 ປີ ແລະ ທ້າວ ກາສະລອງ ວັຍ 47 ປີ ຊຶ່ງເປັນຜູ້ຊ່ວຍຄົນໃກ້ຊິດ ຂອງທ້າວ ສຸຣະໄຊ ວັຍ 78 ປີ ທີ່ຖືກພົບເຫັນ ເທື່ອຫຼ້າສຸດ ຢູ່ນະຄອນຫລວງວຽງຈັນ ໃນເດືອນທັນວາ 2018 ແລ້ວ ຫາຍສາບສູນໄປ ແລະ ໝູ່ຂອງພວກເຂົາ ກໍໄດ້ຣາຍງານ ໃຫ້ທາງການລາວຊາບ ທັນທີ.
ການພົບສົບ ທ້າວ ພູຊະນະ ໃນມື້ວັນທີ 26 ທັນວາ ຜ່ານມາ ແລະ ສົບທ້າວ ກາສະລອງ ໃນມື້ຕໍ່ມາ ເຮັດໃຫ້ເກີດຄວາມວິຕົກກັງວົນຫລາຍ ນຳ ທ່ານ ສຸຣະໄຊ. ທັງ 2 ສົບ ຖືກມັດຕີນ ມັດມື ໜ້າຕາຖືກທຳລາຍ ຈົນຈື່ບໍ່ໄດ້ ແລະ ທັງຖືກແລ່ແລ້ວເອົາຊີເມັນ ຢັດໃສ່.
ທ່ານ ບແຣດ ອາດັມ ກ່າວຕື່ມວ່າ:
"it’s very hard to believe that they would not know who killed these 2 men and now we are v. concerned about the safety of Surachai who has been missing for a while".
"ມັນຍາກທີ່ຈະໃຫ້ເຊື່ອວ່າ ພວກເພິ່ນ ບໍ່ຮູ້ວ່າໃຜຂ້າ 2 ຄົນນີ້ ແລະຂນະນີ້ ພວກເຮົາ ກໍກັງວົນຫລາຍ ເລື່ອງຄວາມປອດພັຍ ຂອງ ສຸຣະໄຊ ທີ່ຫາຍສາບສູນໄປ ລະຍະນຶ່ງແລ້ວ."
ຖແລງການຂອງ HRW ຣະບຸວ່າ ທີ່ຜ່ານມາ ຣັຖບານລາວ ບໍ່ໄດ້ສືບສວນຢ່າງຈິງຈັງ ກໍຣະນີນັກເຄື່ອນໄຫວໄທ ຕ້ານສະຖາບັນ ພຣະມະຫາກະສັດ ທີ່ອາສັຍຢູ່ນະຄອນຫລວງວຽງຈັນ ຊຶ່ງມີຮວມ ທັງທ້າວ ອິດທິພົລ ສຸກແປນ ທີ່ຫາຍສາບສູນ ຕັ້ງແຕ່ເດືອນ ມິຖຸນາ 2016, ແລະ ທ້າວ ວຸດທິພົງ ກະຊາທຳມະກຸລ ທີ່ຫາຍສາບສູນໄປ ຕັ້ງແຕ່ເດືອນ ກໍຣະກະດາ 2017.
ອົງການສະຫະປະຊາຊາດ ເພື່ອຜູ້ອົພຍົບ ຫຼື (UNHCR) ບໍ່ມີຫ້ອງການຢູ່ໃນລາວ ທີ່ສາມາດໃຫ້ການປົກປ້ອງ ຜູ້ອົພຍົບຫລົບພັຍ ແລະ ຣັຖບານລາວ ກໍບໍ່ອະນຸຍາດໃຫ້ UNHCR ປະຈຳຢູ່ບາງກອກ ໃຫ້ການປົກປ້ອງ ແກ່ຊາວໄທ ທີ່ໂຕນໜີ ໄປລີ້ພັຍຢູ່ລາວນັ້ນ ແຕ່ຢ່າງໃດ.
ອົງການສິດທິມະນຸດ ຣະບຸອີກວ່າ ຣັຖບານລາວ ມີພັນທະຊອກຮູ້ສິ່ງທີ່ເກີດຂຶ້ນກັບ ທ່ານ ສຸຣະໄຊ ແລະ ນັກເຄື່ອນໄຫວຊາວໄທທຸກຄົນ ທີ່ໄດ້ ຫາຍສາບສູນ ຢູ່ສປປລາວ ແລະ ໃຫ້ເອົາບາດກ້າວ ສືບສວນ ແລະ ດຳເນີນຄະດີ ກັບທຸກຄົນ ທີ່ຮັບຜີດຊອບ ເຫດການ ທີ່ເກີດຂຶ້ນນັ້ນ.
ກ່ຽວກັບເຣື່ອງທີ່ວ່ານີ້ ວິທຍຸເອເຊັຽເສຣີ ໄດ້ພຍາຍາມຕິດຕໍ່ ຖາມໄປຍັງກົມການຂ່າວ ກະຊວງການຕ່າງປະເທດ ແລະ ກະຊວງຮັກສາ ຄວາມສງົບ ຂອງລາວຫລາຍຄັ້ງ ແຕ່ບໍ່ສາມາດຕິດຕໍ່ໄດ້.

ລັດຖະບານໄທຍເລີ້ມເກັບແລ້ວ ພວກທີ່ຢາກລົ້ມຊາດ

ໄປອາໃສ ພັກລາວແດງ ກໍໄປໄມ້ຫລອດ

images?q=tbn:ANd9GcRoe1Xj86Fkfk7zAlGq2PW

สุรชัย แซ่ด่าน เป็นอดีตนักเคลื่อนไหว และอดีตนักโทษการเมือง คดีคอมมิวนิสต์คนสุดท้ายของประเทศไทย

บีบีซี ตีข่าวทั่วโลก ผล DNA ยันชัด 2 ศพถูกฆ่าคว้านท้อง ยัดแท่งปูนทิ้งแม่น้ำโขงสุดเหี้ยม เป็น 2 คนสนิทของสุรชัย แซ่ด่าน ขณะที่ ตอนนี้ยังไม่รู้ชะตากรรม สุรชัย หลังหายสาบสูญมานานกว่าเดือน

เมื่อ 23 ม.ค.62 สำนักข่าวบีบีซี สื่อใหญ่ในอังกฤษ รายงานข่าวไปทั่วโลก ตำรวจไทยยืนยัน ผลการตรวจดีเอ็นเอ 2 ศพที่ถูกพบในพื้นที่ริมน้ำโขง อ.ธาตุพนม จ.นครพนม ภาคอีสานของประเทศไทย ในสภาพโดนฆ่าคว้านท้อง ยัดแท่งปูนทิ้งแม่น้ำโขง เมื่อปลายเดือนธันวาคม 2561 เป็นศพ 2 ผู้ช่วยคนสนิทของนายสุรชัย แซ่ด่าน นักเคลื่อนไหวทางการเมือง หลังจากบุคคลทั้งสามได้หายตัวไปพร้อมกัน ตั้งแต่วันที่ 12 ธ.ค.61 ขณะลี้ภัยไปอยู่สปป.ลาว และขณะนี้ยังไม่รู้ชะตากรรมของ นายสุรชัย แซ่ด่าน

กลุ่มเคลื่อนไหวด้านสิทธิมนุษยชนระหว่างประเทศ ‘ฮิวแมน ไรท์ วอตช์’ ระบุ มีบุคคลที่วิพากษ์วิจารณ์รัฐบาลไทย 5 คน ซึ่งลี้ภัยไปอยู่ในประเทศลาว ได้สูญหายไปในช่วง 2 ปีที่ผ่านมา โดยศพทั้ง 2 ศพที่พบในแม่น้ำโขง ช่วงปลายเดือน ธ.ค.61 นั้น ศพหนึ่งลอยอยู่ในแม่น้ำโขง ทั้งสองศพอยู่ในสภาพถูกฆ่าในลักษณะเดียวกัน คือ โดนเชือกไนล่อนรัดคอ ผ่าท้องยัดแท่งปูน พันด้วยผ้าเทป ห่อด้วยกระสอบป่าน และห่ออีกชั้นด้วยตาข่าย รัดด้วยเชือก ก่อนถูกโยนทิ้งแม่น้ำโขง

บีบีซี ยังเผยด้วยว่า จากการเปิดเผยของตำรวจไทย ระบุผลตรวจดีเอ็นเอ ศพหนึ่งเป็นศพของ นายไกรเดช ลือเลิศ ส่วนอีกศพเป็นศพของชายนามสกุล ‘ภูชนะ’ ขณะที่มีรายงานที่ไม่ได้รับการยืนยัน ระบุด้วยว่า มีการพบศพที่ 3 ในบริเวณเดียวกัน แต่ได้สูญหายไปอีกครั้ง

Date: Sep 10, 2021

ຄອມມຸຍນິດຂ້າຄອມມຸຍນິດກໍ່ຕໍ່ເມື່ອເຮັດວຽກບໍ່ສຳເຣັດ.