ຜູ້ຣາຍງານພິເສດສະຫະປະຊາຊາດ ທີ່ເຮັດວຽກກ່ຽວກັບຜູ້ທຸກຍາກທີ່ສຸດ ແລະ ສິດທິມະນຸດ ໄດ້ເຂົ້າມາເຮັດວຽກ ຢູ່ປະເທດລາວ ແຕ່ວັນທັນ 18 ຫາ 28 ມີນາ ທີ່ຜ່ານມາ. ທ່ານໄດ້ເຮັດຖແລງການ ກ່ຽວກັບບົດຣາຍງານ ການມາເຮັດວຽກ ຢູ່ປະເທດລາວ, ໃນນັ້ນບັນຫາ ທີ່ທ່ານໄດ້ພົບເຫັນ ແລະ ເວົ້າເນັ້ນກໍຄື ເລື້ອງສິດທິມະນຸດ ຢູ່ໃນປະເທດລາວ ທີ່ຍັງບໍ່ມີການປັບປຸງ ແຕ່ງຢ່າງໃດ. ໂດຍສະເພາະ ໂຄງການພັທນາຂອງຣັຖ ໂຄງການທາງຣົດໄຟ ລາວ-ຈີນ, ໂຄງການ ທາງດ່ວນ ທີ່ຈ່າຍຄ່າຊົດເຊີຍໃຫ້ແກ່ ປະຊາຊົນບໍ່ເປັນໄປຕາມ ລາຄາທ້ອງຕລາດ.
ໂຄງການສຳປະທານທີ່ດິນ ປູກຕົ້ນໄມ້ອຸດສະຫະກັມ ທີ່ສົ່ງຜົນກະທົບຕໍ່ການດຳຣົງຊີວິດ ຂອງປະຊາຊົນ ຈົນເຮັດໃຫ້ປະຊາຊົນຕ້ອງ ອັປໂຍດ ແລະ ຖືກຈັບ ຍ້ອນຂໍ້ຂັດແຍ່ງທີ່ດິນ. ທ່ານໄດ້ຍົກກໍຣະນີ ຊາວບ້ານຢຶບເມືອງທ່າແຕງ ແຂວງເຊກອງ ທີ່ຖືກຈັບມາໄດ້ເປັນເວລາດົນນານກວ່າ 1 ປີ ແລະ ຍັງບໍ່ມີການດຳເນີນການ ຕາມຂະບວນການຍຸຕິທັມ ທີ່ຄວນຈະເປັນ.
ອົງການຈັດຕັ້ງທາງສົງຄົມ ຫລື CSO ຢູ່ປະເທດລາວ ຖືກຄຸກຄາມໃນການເຮັດວຽກພັທນາຢູ່ປະເທດລາວ ແລະຍັງມີການລັກພາຕົວ ເຮັດໃຫ້ບຸກຄົນຕ້ອງຫາຍສາບສູນ. ທ່ານ ສົມບັດ ສົມພອນ ນັກພັທນາ ອາວຸໂສດີເດັ່ນ ຂອງລາວ ໄດ້ຖືກລັກພາຕົວໄປ ຢູ່ນະຄອນຫລວງວຽງຈັນ ນັບແຕ່ວັນທີ 15 ທັນວາ 2012 ຈົນມາເຖິງປັດຈຸບັນ ກໍຍັງບໍ່ທັນຮູ້ວ່າ ການສືບສວນຂອງທາງການລາວ ໄປຮອດໃສແລ້ວ.
ນອກຈາກນີ້ ທ່ານຍັງເວົ້າເຖິງເລື້ອງບັນຫາ ການເຕີບໂຕທາງດ້ານເສຖກິດ ບໍ່ໄດ້ໃຫ້ຜົນປະໂຫຍດຫຍັງ ຕໍ່ປະຊາຊົນສ່ວນໃຫຍ່, ດັ່ງ ທ່ານ Philip Alston ກ່າວອີກຕອນນຶ່ງວ່າ:
"ຄວາມຈິງຄືວ່າ ຮູບແບບການພັທນາເສຖກິດ ໃຫ້ປະໂຫຍດແຕ່ຄົນຮັ່ງມີ ແລະ ຄົນຊັ້ນກາງເທົ່ານັ້ນ, ແຕ່ປະຊາຊົນສ່ວນໃຫຍ່ ຍັງບໍ່ໄດ້ຮັບຜົນປະໂຫຍດ ຈາກການເຕີບໂຕທາງດ້ານເສດຖະກິດ. ຍິ່ງໄປກ່ວານັ້ນ ມັນຍິ່ງກໍ່ໃຫ້ເກີດຜົນເສັຍຕໍ່ຂະແໜງການສາທາ, ການສຶກສາ ແລະ ການປະກັນສັງຄົມ. ປະຊາຊົນ ບໍ່ມີລະບົບການສຶກສາ ທີ່ໄດ້ມາຕຖານ, ມີສຸຂອະນາມັຍຕ່ຳ ແລະຣັຖບານບໍ່ໄດ້ ລົງທຶນ ໃສ່ການພັທນາ ຊັພຍາກອນມະນຸສ ທີ່ຄວນຈະເປັນ.
ແຕ່ເຈົ້າໜ້າທີ່ທາງການລາວ ກໍບໍ່ເຫັນດີກັບສິ່ງທີ່ ທ່ານ Philip Alston ຜູ້ຣາຍງານພິເສດຂອງສະຫະປະຊາຊົນ ໄດ້ຣາຍງານໄປນັ້ນ.
ທ່ານ ເພັດວັນໄຊ ຄູນສະກຸນ ເຈົ້າໜ້າທີ່ກະຊວງການຕ່າງປະເທດ ໄດ້ກ່າວຕໍ່ສຳນັກຂ່າວ AP ຕອນນຶ່ງວ່າ: ຂໍ້ມູນທີ່ນັກຂ່າວໄດ້ໄປນັ້ນ ອາດມີຄວາມລຳອຽງ. ຂ້າພະເຈົ້າ[ທ່ານ ເພັດວັນໄຊ] ໄດ້ພົບກັບຄົນລາວ ທີ່ເຮັດວຽກທີ່ປະທັບໃຈ ເພື່ອສົ່ງເສີມຊຸມຊົນ ແລະໃຫ້ການສຸຂສຶກສາ ແລະການສຶກສາໃນເຂດຫ່າງໄກ, ແລະເຈົ້າໜ້າທີ່ ຣັຖບານຫລາຍທ່ານ ກໍໄດ້ອຸທິດຕົນ ແລະກະລືລົ້ນຊອກຫາ ທາງອອກທີ່ມີປະສິດທິຜົນ.
ຍາມໃດ໋ ມັນກໍ່ບໍ່ຮັບຄວາມຈິງດອກ ພວກຄອມມຸຍນິດລາວນີ້ນະ ເຊົາເປັນທໍ່ນ້ຳລ້ຽງ ມັນກໍ່ຈະຕາຍເອງ !
