ອົງການພັນທະມິຕ ເພື່ອ ປະຊາທິປະຕັຍ ໃນລາວ ອອກຖແລງການ ສະແດງຄວາມເສັຽໃຈ ຕໍ່ເຫດການການ ທີ່ເກີດຂຶ້ນ ກັບຊາວບ້ານ ດ່ານໃຫຍ່ ແຂວງສາລະວັນ ຊຶ່ງເປັນການຈັບກຸມ ທີ່ບໍ່ເປັນທັມ ຊາວບ້ານ ບໍ່ມີຄວາມຜິດຫຍັງ ເຂົາມີສິດ ທີ່ຈະປົກປ້ອງ ດິນໄຮ່ດິນນາ ຂອງ ພວກຂະເຈົ້າ ຈາກນັກລົງທຶນ ຕ່າງຊາດ. ອົງການພັນທະມິດ ຢາກທັກທວງໃຫ້ ທາງການລາວ ຄື:
1- ປ່ອຍຕົວ ທ້າວ ສົມນຶກ ທີ່ຍັງຖືກກັກຂັງ ທໍຣະມານໃນຄຸກ ໃຫ້ມີອິສຣະພາບ ຢ່າງຮີບດ່ວນ ປາສຈາກເງື່ອນໄຂ ແລະ ປະຊາຊົນ ທີ່ ບ້ານຢຶບ ເມືອງເຊກອງ ທີ່ຍັງຖືກກັກຂັງ ເທົ່າເຖິງທຸກມື້ນີ້
2- ທັກທວງ ໃຫ້ຜູ້ນຳພັກຣັດ ທົດແທນຄ່າເສັຽຫາຍ ໃຫ້ແກ່ຄອບຄົວ ທ້າວສີພອງ ແລະ ຄອບຄົວຄົນອື່ນໆ ທີ່ຖືກກັກຂັງຢ່າງເຫມາະສົມ ແລະ ເປັນທັມ. ດັ່ງ ດຣ ບຸນທອນ ຈັນທະລາວົງ ວີເຊີ ປະທານ ອົງການດັ່ງກ່າວ ເວົ້າວ່າ:
“ຂ້າພະເຈົ້າຕີຣາຄາວ່າ ການຈັບກຸມຊາວບ້ານດ່ານໃຫຍ່ ເມືອງສາລະວັນ ແຂວງສາລະວັນ ເປັນເຫດການ ທີ່ໂຫດຫ້ຽມທີ່ສຸດ ຊື່ງເປັນການ ກ່າວຫາໃສ່ຊາວບ້ານ ຈັບຂະເຈົ້າແລ້ວໄດ້ຖີ້ມໂທດໃສ່ຂະເຈົ້າ ແບບໂທດການເມືອງ ຂ້່າພະເຂົ້າຄິດວ່າ ຊາວບ້ານດ່ານໃຫຍ່ມີສິດ ທີ່ຈະ ລຸກຂຶ້ນມາ ປົກປ້ອງ ດິນດອນຕອນຫຍ້າ ຂອງພວກຂະເຈົ້າ.”
ອົງການພັນທະມິຕ ເພື່ອ ປະຊາທິປະຕັຍ ທີ່ມີສູນກາງຢູ່ ປະເທດເຢັຽຣະມັນ ຍັງຮຽກຮ້ອງ ໃຫ້ອົງການຈັດຕັ້ງ ສາກົນ ເປັນຕົ້ນ:
1- ຮຽກຮ້ອງມາຍັງ ກັມມະການສູງສຸດ ສະຫະປະຊາຊາດ ດ້ານສິດທິມະນຸດ ແລະ ຄນະກັມມະການ ດ້ານສິດທິມະນຸດ ຂອງສະຫາພາບ ຢູໂຣບ ທີ່ເຄີຍໄປໄກ່ເກັ່ຽ ບັນຫາດ້ານສິດທິມະນຸດ ໃນລາວ ກັບຣັຖບານລາວ ຜ່ານມາ ໃຫ້ຈັດຕັ້ງຄນະກັມມະການພິເສດ ເຂົ້າໄປສືບສວນ ການຈັບປະຊາຊົນຊາວ ບ້ານດ່ານໃຫຍ່ ແຂວງສາລະວັນ ເພື່ອໃຫ້ໄດ້ຂໍ້ມູນຫຼັກຖານ ຄວາມຈິງ ໃນເຫດການນີ້.
2- ຮຽກຮ້ອງມາຍັງຣັຖບານປະເທດຕ່າງໆ ທີ່ເປັນປະຊາທິປະຕັຍ ທີ່ໃຫ້ການຊ່ອຍເຫຼືືອເງິນ ແກ່ ສປປລາວ ໃຫ້ເອົາການຊ່ອຍເຫຼືອນັ້ນ ເປັນເງື່ອນໄຂ ພັກດັນທາງການ ສປປລາວ ໃຫ້ແຮງຂຶ້ນ ເພື່ອໃຫ້ທາງການລາວ ປະຕິບັດຫຼັກການ ສິດທິມະນຸດ ຕາມສົນທິສັນຍາ ຂອງ ສະຫະປະຊາຊາດ ທີ່ທາງການລາວ ໄດ້ເຊັນໄປນັ້ນ ໃຫ້ປະຕິບັດຜົລເປັນຈິງ.
ເຈົ້າໜ້າທີ່ທາງການລາວ ກຳລັງກວດສອບຊັບສິນ ຂອງ ທ່ານ ສົມບັດ ສົມພອນ ສ່ວນການຊອກຫາ ທ່ານ ສົມບັດ ສົມພອນ ນັ້ນຍັງບໍ່ທັນ ມີຄວາມຄືບໜ້າ, ດັ່ງ ຍານາງ ອຶງ ຊຸຍ ເມັງ ພັລຍາຂອງທ່ານ ສົມບັດ ສົມພອນ ໄດ້ເວົ້າຕໍ່ວິທຍຸເອເຊັຽຍເສຣີ ເນື່ືອງໃນສັປດາສາກົລ ວ່າດ້ວຍການ ຕ້ານການບັງຄັັບບຸກຄົນ ຫາຍສາບສູນ ເມື່ອ 28 ພຶສພາ ວ່າ:
"ປັດຈຸບັນ ເຈົ້າໜ້າທີ່ລາວເວົ້າວ່າ ພວກເຂົາກຳລັງກວດສອບຊັບສິນ ຂອງທ່ານ ສົມບັດ ສົມພອນ ເພາະວ່າພວກເພິ່ນຮູ້ສຶກ ແລະ ເວົ້າວ່າ ທ່ານ ສົມບັດ ມີຊັບສິນຫຼາຍ ແລະ ທາງເຈົ້າໜ້າທີ່ ກໍຢາກຮູ້ວ່າ ທ່ານໄດ້ຊັບສິນເລົ່ານີ້ມາແນວໃດ.”
ຍາງນາງ ອຶງ ຊຸຍ ເມັງ ເວົ້າຕື່ມວ່າ ເຈົ້າໜ້າທີ່ທາງການລາວ ແຈ້ງໃຫ້ເຈົ້າໜ້າທີ່ການທູດຮູ້ວ່າ ຕອນນີ້ ເຈົ້າໜ້າທີ່ກຳລັງກວດສອບຊັບສິນ ຂອງທ່ານສົມບັດ ຍ້ອນຂະເຈົ້າຢາກຮູ້ວ່າຊັບສິນນັ້ນ ໄດ້ມາແນວໃດ ແທນທີ່ເຈົ້າໜ້າທີ່ ຈະເວົ້ານຳຂ້ອຍ ກ່ຽວກັບວ່າ ສົມບັດ ມີຊັບສິນ ຫຍັງແດ່ ແຕ່ພັດໄປເວົ້າ ກັບນັກການທູດ:
"ກໍຣະນີລັກພາໂຕ ທ່ານສົມບັດ ສົມພອນ ໄດ້ຖືກຍົກຂຶ້ນມາເວົ້າ ຢູ່ໃນກອງປະຊຸມ ວ່າດ້ວຍການຕ້ານ ການການບັງຄັບ ບຸກຄົນໃຫ້ ຫາຍສາບສູນ ແຕ່ວ່າຣັຖບານລາວ ບໍ່ເຮັດຫຍັງ ແລະ ມັນແຈ້ງຂາວ ແລ້ວວ່າ ຣັຖບາລາ ວບໍ່ແກ້ໄຂບັນຫານີ້.”
ສ່ວນເຈົ້າໜ້າທີ່ການທູດສາກົລ ຈາກສະຫະພາບຢູໂຣບ, ອັງກິດ ຢູ່ລາວ ກໍໄດ້ທວງຖາມເຈົ້າໜ້າທີ່ທາງການລາວ ແຕ່ກໍໄດ້ຮັບຄຳຕອບວ່າ ກຳລັງສອບສວນຢູ່ ດັ່ງທ່ານ Phil Robertson ຮອງຜູ້ອຳນວຍການ ອົງການອົງການສີ້ງຊອມ ດ້ານສິດທິມະນຸດ ປະຈຳຂົງເຂດ ເອເຊັຽ-ແປຊີຟິກ ໃຫ້ຄຳຄິດເຫັນຕໍ່ວິທຍຸ ເອເຊັຽເສຣີ ວ່າ:
ທາງການລາວ ຍັງປົກປິດຄວາມຮັບຜິດຊອບ ໃນການຊອກຫາທ່ານສົມບັດ ສົມພອນ ຢ່າງເປັນຣະບົບ ແລະ ຜູ້ມີອຳນາດກໍພະຍາຍາມ ເຮັດໃຫ້ຄວາມຫວັງຂອງຄອບຄົວ ທ່ານສົມບັດ ເຫຼືອໜ້ອຍລົງ ໃນຂນະທີ່ ເຈົ້າໜ້າທີ່ພະຍາຍາມຫຼີ້ນເກມ ດ້ວຍການການກວດສອບ ຊັບສິນ ຂອງສົມບັດ ໂດຍບໍ່ໄດ້ຂໍຄຳຍິນຍອມ ຄອບຄົວຂອງທ່ານ.
ຕໍ່ບັນຫາດັ່ງກ່າວ ທາງການລາວ ຍັງບໍ່ທັນໄດ້ອອກມາຖແລງ ເຖິງຣາຍຣະອຽດກ່ຽວກັບທ່ານ ສົມບັດ ສົມພອນ ຫາຍສາບສູນ ໂດຍສະເພາະ ແມ່ນ ພາກສ່ວນທີ່ກ່ຽວຂ້ອງກັບວຽກງານສິດທິມະນຸດ.
ທ່ານ ສົມບັດ ສົມພອນ ຖືກລັກພາໂຕ ຢູ່່ຕໍ່ໜ້າປ້ອມຍາມຕຳຣວດ ເຂດໂຮງຮຽນການຊ່າງ ລາວ-ເຢັຽລະມັນ ເມືອງ ສີສັດຕະນາກ ນະຄອນຫຼວງວຽງຈັນ ເມື່ອວັນທີ 15 ທັນວາ 2012. ປັດຈຸບັນ ທ່ານໄດ້ຫາຍສາບສູນເປັນເວລາ 6 ປີເຄີ່ງແລ້ວ.
ຕ້ອງປ່ອຍນັກໂທດການເມືອງທຸກຄົນ, ຕ້ອງສືບຕໍ່ກັກຂັງນັກໂທດຫວຽດນາມທີ່ເຂົ້າມາກໍ່ກວນຄວາມສະຫງົບໃນ ສປປ ລາວ.ຂ້າຖິ້ມແລ້ວຍັງຫາວິທີຍຶດຊັບສິນລາວອີກ ຊົ່ວຫລາຍ ! ເພັດຊະຄາດອອກມາສາຣະພາບແລ້ວຢູ່ facebook ຫ້ອງ Anton Laos ໄປສືບເອົາໂລດເດີ ທ່ານ ຫຳນ້ອຍຊິຖ້າຊອກຫາເຫັນຫລັກຖານຄົບຖ້ວນຄົງຫາບໍ່ເຫັນແລ້ວລະ...
